Program ti ulih ngempung nembiak disukung: Snowdan

Laban nya ulih ngenegap kaul ba raban nembiak di nengeri tu

Utusan Borneo (Sarawak) - - Berita Iban - Dikarang Chris Bishop

KUCHING: Perintah deka seruran meri sukung ngagai program ke ulih ngempung raban nembiak, ku Menteri Muda Nembiak Lumba enggau Main Datuk Snowdan Lawan.

Iya madah program ke baka nya ulih ngenegap kaul entara raban nembiak di nengeri tu.

“Diatu, komuniti kitai napi pemar kurang interaksyen enggau raban nembiak, kelebih agi ba dunya digital ti ngujungka sida enda teleba begulai enggau orang bukai.

“Enti raban nembiak ulih digempung ba seiti program, sida deka bulih mayuh pemaik baka nemu reti ngadu kere- jasama, pechayaka pengulih diri, disiplin enggau ke bukai,” ku Snowdan.

Iya mansutka jaku nya rambau bejadi Merdeka Auto Carnival ( MAC) 2017 ke diatur di Dewan Masyarakat Kuching ditu, kemari.

MAC ( Edisyen Ke- 6) 2017 diatur pengelama dua hari berunggu berengkah kemari enggau sehari tu lalu diatur Sarawak Automative- Enthuasiast Society ( SAS).

Ngenang kaul ke sama, Snowdan pechaya MAC 2017 ulih nempa raban nembiak ke ngembuan runding ti kreatif sereta inovatif.

Berindik enggau nya, ungkup edisyen ke tujuh MAC, iya dekaka program nya diatur besai agi lalu matak penyereta ari pelilih bukai baka ke ari Miri, Sibu, Bintulu, Sri Aman, Samarahan enggau Serian.

“Ungkup edisyen ke- 10 jemah ila, ngarap MAC tu ulih diatur ungkup renggat entarabansa lalu matak penyereta ari Singapura, Brunei enggau Indonesia,” ku iya nambah.

Opis Menteri deka seruran meri sukung, tandu Snowdan.

Sehari tu konvoi merdeka MAC 2017 deka bejalai meling pasar Kuching nyentuk ngagai Palan Penerebai Bilun Entarabansa Kuching ( KIA).

Bela datai Chairman MAC 2017 Galvin Amat enggau Presiden SAS Wan Asraf Arif.

Enti raban nembiak ulih digempung ba seiti program, sida deka bulih mayuh pemaik baka nemu reti ngadu kerejasama, pechayaka pengulih diri,disiplin enggau ke bukai. Datuk Snowdan Lawan Menteri Muda Nembiak Lumba enggau Main

BEKUNSI PENEMU: Howard (tengah) begulai enggau pemuzik ari menua bukai mantaika muzik tyradisional.

Newspapers in Malay

Newspapers from Malaysia

© PressReader. All rights reserved.