KPM udah meri lebih RM442j dikena mantu nembiak ke patut di Sarawak

Utusan Borneo (Sarawak) - - Berita Iban -

KUCHING: Opis Menteri Pelajar Malaysia (KPM) udah meri ungkup belanja lebih RM442 juta nengah Bantu Besekula KPM dikena mantu nembiak ke patut di Sarawak, ba taun 2017.

Ketuai Direktor Opis Pelajar Malaysia, Tan Sri Dr Khair Mohamad Yusof madahka bantu sekula nya dibagi ngagai tiga kategori besai ke udah ditetapka iya nya bantu Umum, Bantu Khas enggau Bantu ‘one off’.

“BantuUmumsepenyampau RM89 juta iya nya Bantu Bayar Tambah Besekula enggau Bayar Kokurikulum Sekolah; Bantu Khas sepenyampau RM319 juta chunto baka Bantu Pelin Pemakai Tambah 1Malaysia, Skolarsip Mit Perintah Besai enggau Skolarsip Lumba enggau Main sereta kategori bantu ‘one off’ sepenyampau RM34 juta iya nya Bantu Tumu Besekula 1Malaysia enggau Bauhcar Bup 1Malaysia.

“Bantu tu diberi dikena ngenukuka nembiak ba 1,436 buah sekula serata Sarawak bisi peluang enggau akses pelajar ti manah sereta bekualiti senipak enggau menua maju,” ku iya.

Iya mansutka pekara nya lebuh bejadika ‘ Program Jelajah Pendidikan Kementerian Pendidikan Malaysia’ ti diatur ba Plaza Merdeka ditu, kemari.

Program Jelajah Pendidikan 2017 diatur kemari (16 september) ngagai sehari tu (17 September). Lalu Sarawak iya nya palan ke sembilan pengudah Kedah, Terengganu, Melaka, Selangor, Johor, Negeri Sembilan, Kelantan enggau Sabah.

Bepelasarka rambai jaku “Menerajui Perubahan”, program nya dijadualka ngelawa 12 palan di serata menua nyentuk bulan November taun tu ti mekuh ngagai pemandang penyulut KPM ngemansangka nembiak sedia betapi enggau pemar dunya enggau nyapai juluk Enam Aspirasyen.

Berebak enggau tu lebuh ti ngenang pasal pengawa mindahka pengajar iya madah, nya diatur bererenggat.

Iya madahka piak atas pengurusan KPM amat meretika sereta beratika penanggul sekeda pengajar ti betapi enggau mayuh penekul.

“Kitai bejalaika ‘ Dasar Pemberian Empowerment 90:10’ di Nengeri Sabah enggau Sarawak. Lalu diperambu ba taun 2018, penyampau pengajar di Sarawak ti bisi urung 41,000 iku, lalu ari penyampau nya 90 peratus pengajar asal ari nengeri tu empu.

“Kriteria pemendar pengawa nukar pengajar ditentu sereta lebih ngemeratka ‘guru duka lara’ bepelasar merit,” ku iya.

Lebuh ke ngenang pasal program nya Khair minta orang mayuh ke datai ngulu program nya ulih ngena peluang ngumpul mayuh penerang pe- madu baru seraya meri penemu ngagai opis menteri.

Program tu sebuah one stop centre endur raban bansa berandau terus enggau KPM, ku iya.

“Dalam dua hari tu, kami deka ngayanka penyulut pejalai transformasyen pelajar menua dibaruh PPPM 2013-2025.

“Jelajah Pendidikan KPM iya nya pelasar ti manah ngagai raban bansa betanya betunga mua pasal pelajar berengkah ari renggat prasekolah nyentuk renggat sekula sekondari,” ku iya.

Sama bisi datai ngagai pengerami bejadika program nya kemari, Direktor Opis Pelajar Nengeri Sarawak, Rakayah Madon sereta ke bukai.

NAMA BERITA?: (Empat ari kanan) Khair ngerandau seraya nanyaka berita bala nembiak mit ke bisi ngambi bagi ba program Jelajah Pendidikan KPM 2017 renggat Nengeri Sarawak, seraya diperatika (tiga ari kiba) Rakayah enggau ke bukai.

Newspapers in Malay

Newspapers from Malaysia

© PressReader. All rights reserved.