Empat sekula di Batu Danau deka digempung nyadi dua

Dua sekula baru ke udah digempung tu ila deka disikap enggau perengka pelajar ke lebih manah

Utusan Borneo (Sarawak) - - Berita Iban -

LIMBANG: Perintah udah ngelala empat buah sekula nyengkaum sekula ke udah buruk ba sitak Batu Danau ngambika digempung nyadi dua buah sekula baru dikena nyikap perengka pelajar ke lebih manah ba kandang menua pesisir.

Kaban Kunsil Nengeri (ADUN) Batu Danau Paulus Palu Gumbang madah, empat buah sekula tu entara lebih 10 buah sekula buruk ke bisi ba pelilih tu enggau Bukit Kota.

Ku iya, isu sekula buruk udah diperunding enggau Opis Menteri Pelajar Nengeri minggu ke udah nyengkaum ngerintaika sekeda sekula ke udah diperati ngelama tu.

“Kitai netap lalu setuju ngambika sekula di sitak Batu Danau digempung.

“Tu mungkur empat buah sekula iya nya SK Ulu Lubai enggau SK Nanga Merit sereta SK Kuala Awang enggau SK Tedungan,” ku iya rambau Hari Ruang Bilik SABERKAS Batu Danau, nyerumba Hari Malaysia di Tanjong Putra Fishing Corner kemari.

Bela bisi datai bini Paulus Mary Sindang, Sekretari SABERKAS Batu Danau Jimmy Ngindang ke mega chairman program, Tukang Wang

Tu mungkur empat buah sekula iya nya SK Ulu Lubai enggau SK Nanga Merit sereta SK Kuala Awang enggau SK Tedungan. Paulus Palu Gumbang ADUN Batu Danau

SABERKAS Batu Danau ke mega tauke Tanjong Putra Fishing Corner Kauselor Ekit Awang enggau bini iya Limsiah Tutong, Pemesai JASA Batu Danau Endrawati Thomas enggau kaban komiti besai SABERKAS Batu Danau.

Paulus madah, taba ungkup SK Nanga Merit udah bisi, lalu diatu ba proses meri bayar ngagai orang ke ngempu tanah.

“Nyema bayar tu udah diberi, sekula baru nya deka digaga nengah dua renggat lalu dipelaba bepun taun baru,” ku iya.

Ngenang silik pasal pekara nya, iya madah SK Kuala Awang enggau SK Tedungan endang sekula ke chukup buruk tambah mega siti blok begunan (SK Kuala Awang) udah repuk.

“Dua sekula tu (SK Kuala Awang enggau SK Tedungan) mega deka digempung dikena ngemuntangka pengawa ngaga sekula baru lalu piak Opis Tanah enggau Survei (JTS) benung ngiga taba ke engkeman ba sitak Batu Danau,” ku iya seraya madah pengawa ngempung sekula nya enda mungkur semua Sekula Kurang Nembiak (SKM).

Iya andal nengah pengawa ngaga sekula baru nya ulih ngujungka bala nembiak teperansang agi belajar ba endur ke lantang kelimpah ulih nyapai pemutus peresa ke lebih nyulut.

Nangkan nya, iya mejah ulah sekeda piak ke rindu ngangkaika isu bansa nyentuk charut taja rayat diatu benung ngeramu ulang taun ke-54 penumbuh Malaysia.

“Bisi piak ngena isu bansa enggau pengarap dikena ngaga penyarut.

“kitai ngarap pekara tu badu ngerekai, laban umur 54 penumbuh Malaysia patut alai kitai ngenegapka penyerakup sereta ngemansangka modal mensia ke pemain raban nembiak rebak dudi,” ku tandu iya.

Ngelansa silik pasal program nya ku iya, tu ulih ngenegapka agi kaul entara kaban SABERKAS Batu Danau nengah program santai.

Bisi 18 buah unit SABERKAS ditumbuhka ba Batu Danau.

TEKAIT ATI: Stephen (kiba) enggau bala bukai maya nemuai ke Muzium RASCOM di Sibu ditu, kilah ensana.

PAULUS

Newspapers in Malay

Newspapers from Malaysia

© PressReader. All rights reserved.