Pustaka Nengeri Sarawak, Miri ngatur licha pasal penyalah siber
MIRI: Pustaka Nengeri Sarawak, Miri deka ngatur sebengkah licha kena pagila (18 September) berengkah pukul 2.30 lemai bekaul enggau penyalah siber.
Pengelicha ke dikangau iya nya Pemantu Direktor Komiti Komunikasyen enggau Multimedia Malaysia ( SKMM) Opis Pampang Miri Fadzlida Hanim Abdul Razak.
Licha dibuka ngagai mensia mayuh lalu tuju iya dikena meri penyedar enggau pemereti pasal penyalah siber, ukum undang-undang sereta chara nyeliah penyalah nya.
Pustaka Nengeri Sarawak, Miri seruran ngatur mayuh licha bekaul penyedar sereta motivasi.
Tu endang sebengkah ari aktiviti diatur dikena meri peransang sereta bekunsi penemu.
Licha motivasi berambaika jaku ‘Impak Personaliti Dalam Kehidupan’ diatur nengah kerejasama ECT Training Enterprise kena 7 September tu tadi lalu nerima timbal ke chukup manah iya nya digulu lebih 250 pesereta.
Penngelicha ti ngemujurka program tu iya nya Nurulisa Poli, iya nya siku kaunselor belesen, ‘mental coach’ lalu penyanding penemu ke profesional.
Licha interaktif tu dikena meri peluang ngagai pesereta bejalarka penemu pasal diri empu sereta chara ngerembaika penau diri.
Nadai bayar masuk ungkup pesereta ke ngulu program ke diatur Pustaka Nengeri Sarawak, Miri.
Penerang silik tau betelefon nuju Ketuai Servis Lilian Baun Pulo ba lumur 085422525 tauka e-mel lilianbp@ sarawak.gov.my.