Muzium RASCOM diperambu deka dipindah ke pasar Sibu
SIBU: Panglima 1 Divisyen Mejar Jeneral Datul Stephen Mundaw udah nemuai ngagai Muzium RASCOM ba Kem RASCOM ditu, kilah ensana.
Penatai iya maya tu disempulang pengari ari Opis Muzium Sarawak, Opis Kaunsil Main Asal, Raban Nembiak, Lumba enggau Main, Opis Residen Sibu enggau Opis Kaunsil Sibu.
Sida maya tu disambut Panglima Briged Kesem- bilan Infantri Malaysia ( 9 Briged) Brigedier Jeneral Dato’ Dzulkafli Mustaffa.
Tuju penatai sida maya tu iya nya berandauka pekara bekaul enggau sejarah penumbuh RASCOM ti majak enda dikeingat maya diatu.
Keterubah, program sehari nya dipungkal enggau pengawa nerang sejarah RASCOM ke ditumbuh kena 26 Mach 1972 dikena nagang penyelawai komunis ti majakmunuh orang maya jeman nya.
Ketegal nya, Menteri Besai Malaysia Ke-2 niang Tun Abdul Razak Hussien netap Bagi Ketiga (Sibu) dipegai RASCOM.
Kelimpah ari nya, ba program tu, sida bisi berandau sentang perambu deka mindah Muzium RASCOM ngagai endur ke lantang dilawa mensia mayuh baka di pasar Sibu.
Sama bela datai maya tu iya nya Ketuai Staf Markas 9 Briged Leftenan Kolonel Jauhari Talib enggau Pegawai-pegawai Pemerintah ari 9 Briged.