Bisi 19 organisasyen ba DUN Pelagus nerima MRP RM180,000

Utusan Borneo (Sarawak) - - Berita Iban -

KAPIT: Bisi 19 bengkah organisasyen nyengkaum Komiti Pemansang enggau Pengelikun Genturung Pendiau ( JKKK) enggau gerempung ukai perintah (NGO) nerima geran projek mit pemansang menua pesisir (MRP) sepenyampau RM180,000.

Geran MRP tu disuaka Kaban Kunsil Nengeri ( ADUN) Pelagus, Wilson Nyabong Ijang ba sebengkah pengawa di Opis Servis Parti Rakyat Bersatu (PRS) DUN Pelagus, apin lama ke udah.

Entara penerima geran tu iya nya Gerempung Bansa Dayak Sarawak ( SDNU), Biro Indu JKKK Lepong Sut, Kelab Sukan Enggau Rekreasi D’Surah Kapit, Komiti Pengatur Bazaar Gawai 2017, JKKK Genturong Sawang A enggau JKKK Kampung Amang Satang Atas.

JKKK Nanga Banyau Ulu Baleh, JKKK Nanga Peranan Kanan Merit, JKKK Nanga Sebunut Pelagus, JKKK Rumah Achan, PIBG SK Nanga Antaroh, Kelab Sukan Rekreasi Viking Kapit, sereta Biro Wanita JKKK Rumah Emak.

Bela bisi nerima geran tu iya nya Biro Indu Rumah Laja, Nanga Peraran, Biro Indu Rumah Sabang, JKKK Nanga Banyau Merirai, Baleh, RELA Kapit, SIDS Unit Sungai Amang enggau JKKK Sungai Amang Ulu.

Nyabong madah, geran MRP nya sebagi ari agih belanja taun tu dikena mantu semua penerima bejalaika program ungkup taun tu.

Iya mega ngelalau bala penerima geran MRP patut nyendiaka ripot penuh pasal pejalai belanja ari agih nya, kelimpah nguna iya enggau manah.

Sama bisi datai Ketuai Opis Kaunsil Pelilih Menua Kapit ( MDK) Philimon Nuing, Pemesai Nembiak enggau Lumba Kapit, Jack Janda Pioh, Penghulu Daniel Dian, Penghulu Sallang Batang enggau Penghulu Steward Sawing.

Newspapers in Malay

Newspapers from Malaysia

© PressReader. All rights reserved.