Konsert nyerumba Padawan Raft Safari deka diatur 23 Sept

KUCHING: Mensia mayuh lebih agi peranak ke besemak Padawan, deka bepeluang beperindang enggau dua artis Iban tebilang iya nya Ricky El enggau Shima nyerumba Konsert Ambang Padawan Raft Safari 2017 kena 23 Sept tu.

Konsert deka diatur ba Kampung Git, Jalai Puncak Borneo beserimbai enggau pekit Padawan Raft Safari 2017, ku Sekretari Komiti Pemansang enggau Pengelikun Genturung Pendiau (JKKK) Kampung Git, Amat Jais ditu kemari.

Kelimpah nya, JKKK Kampung Git mega bisi ngatur sekeda pekit lumba sebedau konsert nya baka Pelanda Padawan Raft Safari, pekit batak tali sereta pekit nangkap itit ba sungai lalu pekit tu deka diatur nengah beberapa kategori nyengkaum sida ke nembiak.

Iya madah, semua pekit dibukai ngagai mensia mayuh lalu sida ke bisi ati ulih betelefon terus nuju lumur 013- 5726421. — Bernama