KWSP mantu peranak Malaysia ngatur duit simpan sida nengah RAS

KOTA KINABALU: Lebuh nuan mikir timpuh pinchin agi lama, pikir sekali agi. Penyanding penemu pekara belanja madahka iya nadai kala ‘kelalu tumu’ merambu ungkup pinchin.

Semua orang nemu duit simpan KWSP ulih diambi abis maya umur manggai 55 taun. Taja pia, enda mayuh pekara ti ditemu ke alai 65 peratus ari bala kaban KWSP beumur 54 taun enggau biak agi ngembuan duit simpan kurang ari RM50,000.

Pekara ti balat ngasuh irau ke alai tebal agi bala kaban KWSP deka melanja kesemua duit simpan KWSP sida dalam timpuh tiga ngagai lima taun.

Nasit endar, KWSP udah muka jalai ngagai peranak Malaysia ngatur duit simpan sida ngena jalai pintar nengah Servis Penyanding Penemu Pekara Pinchin (RAS) iya.

RAS tu inisiatif dipejalaika KWSP ti nyediaka penyanding penemu ba pekara generik enggau ukai-beranakka puku ngagai bala kaban iya bekaul enggau perambu pinchin/pekara belanja ngambi ulih nyediaka sida sedia agi pinchin dalam perspektif KWSP.

Tuju RAS tu dikena nambahka penyedar enggau penemu senentang pemesai guna ba reti perambu pekara belanja ungkup pinchin.

Ba pengawa bejalaika servis iya, ti mega dipejalai enggau nadai bebayar, RAS mega deka nyediaka penerang peransang dikena mantu bala kaban iya ngaga pemutus ti betul.

Penyanding penemu RAS, Janaith Lee madah ngagai The Borneo Post dalam sebengkah randau eksklusif ke alai belalauka Pelasar Duit simpan KWSP, kita patut nyimpan sepenyampau RM228,000 dalam kesemua penyampau duit simpan KWSP kita nentuka iya ulih nangkup guna pelasar pinchin kita maya umur manggai 55 taun.

“Pelasar duit simpan iya nya penyampau ti ditentu sebedau iya nitihka umur dalam Akaun 1 duit simpan KWSP kita nentuka kaban ulih nyapai duit simpan abis nadai RM228, 000, maya sida manggai umur 55.

“Ambika chunto, maya kita manggai umur 25 taun, kita dipelaba ngembuan abis nadai RM14,000 dalam Akaun 1 kita,” ku Janaith.

Ku iya nambah, Pelasar Duit Simpan tu dikira bepelasarka pinchin abis mimit sektor perintah RM950 sebulan.

Jadual Pelasar Duit Simpan bisi dalam online rasmi di www. kwsp.gov.my disempulang enggau kalkulator khas ti deka mantu kita ngiga penerang pasal duit simpan kita.

“Kalkulator KWSP ungkup kita melabaka berapa penyampau ulih diterima maya kita manggai umur 55 taun. Sekalika kita nyapai standard abis mit RM228,000?” ku Janaith.

Kalkulator tu deka ngambi kira semua penerang baka umur, umur dipelada pinchin, gaji ke diatu enggau sekeda ari pugu pekara ke bukai.

Taja penyampau dipadah dalam Pelasar Duit simpan nyadika lalau ngagai bala kaban iya, Janaith nyemetak madah endang diperansang bala kaban iya nyapai penyampau tanda kelai.

“Pia mega, manah agi nyema sida empu bisi duit simpan endur ke bukai, laban tu deka nyeliahka sida kelalu bepanggai ba duit simpan KWSP,” ku iya. Enggau umur 55 taun, KWSP nyediaka bala kaban iya enggau penau ngatur duit simpan sida empu. Iya nyediaka bala kaban pilih deka nerima duit simpan KWSP sida berenggat seraya belalauka pelasar ti deka mantu sida n a r u h duit lama agi.