Perambu ti manah agi beguna dikena nyeliah penanggul ba pekara belanja
KUCHING: Perambu nyadi kunchi dikena nyeliahka penanggul ba pekara belanja ngagai peranak Malaysia. Meseti ingat mayuh peranak di menua tu ngembuan kurang ari RM50,000 dalam Wang Turu Pengereja Pengawa (KWSP) taun nyin tadi.
Nitih ku penyanding penemu, Servis Penyanding Penemu Pekara Pinchin (RAS) KWSP Kuching, Ronney Khairuddin, tu senario ti ngirauka ati ke alai tebal agi peranak Malaysia deka beguna mayuh agi duit simpan semanjai hari pinchin.
“Penyampau RM50,000 enda chukup kena nampung belanja 20 taun timpuh pinchin bepelasarka timpuh umur 75 taun,” ku iya ba sebengkah randau berambaika jaku ‘Retirement Advisory Services – Your first step to retirement planning by EPF’ diatur di Kuching kena 22 enggau 23 Julai taun tu tadi.
Tu belalauka Malaysia deka nyadi menua bansa ti ‘beumur’, ku iya nangkan. “Taja umur pinchin di Malaysia iya nya 60 taun, peranak Malaysia ti agi regas ulih terus gawaka KWSP dataika umur 75 taun,” ku iya nambah.
“Enti kita agi gawa lebih ari umur 60 taun, kita agi ulih nyimpan duit ba KWSP dataika umur 75 taun. Kami meransang bala kaban KWSP terus gawa pulaika pemaik sida.
Bala kaban KWSP, kelebih agi rebak ke diatu– anang semina bekenaka duit simpan KWSP sida aja, belalauka sida ti deka nupi bala anak sereta mega melanja apai indai sida.
“Bala anak kita agi bepanggai ba kita lalu apai indai mega ngandalka kita nyaga sida, kita agi ba tengah-tengah, benung ngidupka rebak ke diatu. Ba kes tu, kita meseti bekelimat agi enggau belanja lalu tentuka kita bisi chukup duit simpan ba umur kita,” ku Ronney ngelalau.
Nya alai iya ngelalau bala kaban KWSP ti layan minta flexi ari ke ngemansutka abis duit simpan seraya nandu, duit kita likun dalam KWSP.
RAS nyadi sebagi ari pelin timpuh panjai KWSP kena nambahka servis kami enggau mantu bala kaban nyapai penegap ba pinchin, kelebih agi ngagai bala kaban ti deka pinchin enda lama da agi enggau sida ti pinchin apin lama ke udah.