Sekula di menua pesisir patut ngaga peminta ngangkatka infrastruktur
Sida ulih ngaga peminta ngagai Opis Pelajar Nengeri tauka Opis Menteri Pelajar Malaysia ngambika penanggul sida ulih diputar enggau lengkas
BINTULU: Sekula di kandang menua pesisir ti napi penanggul tauka pengurang ari sukut infrastruktur ulih ngaga peminta ngagai Opis Pelajar Nengeri sereta Opis Menteri Pelajar Malaysia ( KPM) ngambika semua penanggul sida ulih diputar sereta dibantu.
Kaban Parlimen (MP) Bintulu Datuk Seri Tiong King Sing madah, enda ngira nama pan pengurang tauka penanggul pia sekula patut madahka semua ti ditapi tauka ngaga peminta bekaul projek ngemanah sekula ngagai Opis Pelajar Nengeri.
“Sekalika perintah bisi agih belanja tauka enda, nya pekara bukai. Nama ti patut dikemerat iya nya sebarang projek sekula ke patut dikemanah tauka penanggul ke ditapi sekula kelebih agi kandang menua ulu patut madah ngagai piak ti bekaul,” ku iya bejaku ba pengerami ngintu Bulan Merdeka sereta bejadika Bilik Baum Sekula Primari ( SK) Sebauh kemari.
Bekaul peminta dikena ngemanah balai SK Se-
Sekalika perintah bisi agih belanja tauka enda, nya pekara bukai. Nama ti patut dikemerat iya nya sebarang projek sekula ke patut dikemanah tauka penanggul ke ditapi sekula kelebih agi kandang menua ulu patut madah ngagai piak ti bekaul. Datuk Seri Tiong King Sing MP Bintulu
bauh ti begunaka ungkus RM500,000 ku iya, nyema iya agi nyadi pengari rayat taun nyin ila, Wong deka meri geran nitihka penyampau nya dikena nyaup sida.
Ba pengerami nya, Tiong mega udah madahka bantu meri 100 bangku plastik ungkup SK Sebauh sereta geran ti sepenyampau RM20,000 ungkup sekula nya bejalaika aktiviti Gerempuang Apai Indai enggau Nembiak (PIBG) SK Sebauh.
Nengah pemeri nya Tiong madah, iya besemaya deka mantu enggau naka ulih tetiap sekula ti randaka bantu ari iya.
Ba kenang ke bukai, Tiong ngelalau apai indai tetap datai sereta ransing nyukung aktiviti anak sida ke diatur pengajar enggau sekula.
“Sukung kita endang berat dikena meri pelajar ti manah ngagai anak kita,” ku iya seraya minta pengajar begulai enggau apai indai nerenakka runding talukka menua nga- gai bala anak tauka nembiak sekula ngambika sida seruran sayauka menua tu.
Ku iya, runding talukka menua patut diterenak dalam tetiap anak di renggat sekula primari lalu ukai nya maya bala anak udah besai sereta udah ba universiti laban runding tu ulih lenyau lalu sekeda nya berani ngenyaika menau diri ti ngujungka pengawa sida dikunsi mensia mayuh dalam media rama.
Berindik ari nya, apai indai enggau pengajar meseti krea- tif enggau inovatif dikena nerenak runding patriotik sereta ulah ti ulih negika menua ngagai raban nembiak ngambika sida talukka menua, penyerakup enggau pengelantang entara pupu bansa terus dikemeran.
Sama bisi datai iya nya Pemesai Pelajar Pelilih Sebauh Tero Bayel, Kepala Pengajar SK Sebauh Bernard Tahim enggau Chairman Gerempung Apai Indai enggau Pengajar ( PIBG) SK Sebauh Nyaring Lai.