Kerejasama rat ketuai, peranak rumah panjai nyamin pemansang
MIRI: Kerejasama rat entara peranak rumah panjai enggau pemesai sida deka ngemuntangka langkar projek pemansang ari perintah.
Kaban Kunsil Nengeri (ADUN) Lambir Ripin Lamat madah, kerejasama ketuai raban bansa, tuai rumah, Komiti Pemansang enggau Pengelikun Genturung Pendiau (JKKK) enggau peranak rumah panjai endang dikemerat ungkup mai pemansang di sitak sida.
Iya madah munyi nya lebuh pengerami mantar Hari Malaysia di rumah panjai TR Banyang ak Ngalai ba Sungai Sengkabang Ulu Sibuti malam kilah ensana.
Entara projek ke udah digaga iya nya nyedaika taba rumah panjai ti beungkus RM100,000, ngetar jalai ari simpang penatai, mua enggau belakang rumah panjai nya sereta ngaga parit ti beungkus RM400,000.
Ripin madah, renggat keterubah pengawa ngaga rumah panjai baru TR Banyang nya ti bisi 70 pintu bilik udah berengkah kenyau ari taun 2015 nengah Skim Pinjaman Suruhanjaya Perumahan (SPSP) Negeri Sarawak.
“Lalu renggat kedua iya nya laluh 13 pintu agi deka digaga pengudah bisi taba,” ku iya nambah.
Sentang projek bekal ai, Ripin madah, projek nya benung dalam proses ti ngaul pengawa nyambung paip ke dijangka tembu (renggat keterubah) ba taun 2018.
Bejaku sentang pengerami ngintu Hari Malaysia, iya dekakarayat ari pupu raban bansa dikena ngetanka pengelikun, penyerakup enggau bebatak asur.
Pengerami nya dirichahka agi enggau mayuh aktiviti baka pekit nyura enggau sukaneka.
Beserimbaienggaupengerami nya, bisi 12 iku orang lunggar umur ti beumur 65 taun ke atas udah nerima pemeri utai empa enggau perengka dikena besehari-hari.
Sama bisi rambau pengerami nya raban Opis Pengerejista Bansa (JPN) ti mega mantu ngatur pekara ti bekaul dokumen pengelala baka surat pengada enggau tingki.
Sama bisi datai iya nya Penghulu Sadi Mancha, tuai rumah enggau kunsilor.