Blok kedai Rumah Dayak bedau bisi OP

Ketegal pemaju projek laun nganjung dokumen ke bekaul ngagai opis ke bekaul

KUCHING: Tujuh unit blok kedai tiga ringkat Rumah Dayak di Jalai Satok mengkang bedau bulih permit tau pindah ngagai endur nya (OP).

Tukang Pekara Wang Besai Sarawak Dayak National Union (SDNU) Christopher Gira ke mega Kaban Kunsil Nengeri Tamin madah, OP nya bedau dipansutka ketegal pemaju ke ngaga nya laun nganjung dokumen ke bekaul ngagai opis ke bekaul.

“Projek nya udah tembu lalu kitai semina nganti OP aja. Nya udah lama tembu tang ketegal pengelubah kunteriktor ba pekara nya, sida diepda baka nadai ati ngenyampatka proses nya.

“Pengelubah ba pekara nya udah ngemalu komuniti Dayak ,” ku iya bejaku munyi nya ba mua pemain ke bepekit

Projek nya udah tembu lalu kitai semina nganti OP aja. Nya udah lama tembu tang ketegal pengelubah kunteriktor ba pekara nya, sida diepda baka nadai ati ngenyampatka proses nya. Christopher Gira Tukang Pekara Wang Besai SDNU

main badminton ngerebut Mangkuk Presiden SDNU 2017 ti diatur ba Sentosa Sports Centre di Jalai Stakan, Kota Sentosa kemari.

Dulu ari nya iya meransang numbuhka tim undang- undang ngarika SDNU ngambika ulih meri lalau ke engkeman dikena ngelaban pemaju nya awak ngenyampatka proses nya.

Projek Rumah Dayak ti dipenyadi ba taun 1997 kelalu lama tepagang enda tembu ketegal pekara ekonomi enggau politik.

Projek nya digaga ba tanah ke diempu SDNU. Pemaju ngempu 80 peratus ekuiti ba projek nya lalu SDNU semina ngempu 20 peratus aja.