Program ti ulih ngelakuka menua Sibu sigi disukung
Ambika banding program Sibu BASE Jump majak nerima sukung ari peranak menua tu enggau ari luar
SIBU: Opis Menteri Dagang Temuai, Seni, Main Asal, Nembiak enggau Lumba deka nyukung sebarang perambu dikena ngangkatka Sibu BASE Jump ngagai tikas ke lebih tinggi dikena ngelakuka Sibu ‘ mengeri sungai’ enggau manah agi.
Menteri iya, Datuk Abdul Karim Rahman Hamzah madah, program Sibu BASE Jump majak nerima sukung ari peranak menua tu enggau ari luar Sibu.
Ku iya, iya endang nyukung sebarang program lumba dibaruh opis menteri iya nyengkaum lumba ekstrem baka BASE Jump.
“Nyema Sibu ngembuan perambu deka mai BASE Jump ngagai tikas ke lebih tinggi, udah tentu opis menteri aku deka meri sukung lebih agi nyema iya nguntungka dagang temuai enggau ngelakuka menua Sibu,” ku iya.
Iya madah munyi nya lebuh ditanya sekalika opis menteri iya deka ngelakuka lumba ekstrem baka Sibu BASE
Nyema Sibu ngembuan perambu deka mai BASE Jump ngagai tikas ke lebih tinggi, udah tentu opis menteri aku deka meri sukung lebih agi nyema iya nguntungka dagang temuai enggau ngelakuka menua Sibu. Datuk Abdul Karim Rahman Hamzah Menteri Dagang Temuai, Seni, Main Asal, Nembiak enggau Lumba
Jump.
Berebak enggau nya, Residen Sibu Hii Chang Kee madah Sibu BASE Jump udah dipasuk ngagai kalendar Kaunsil Dagang Temuai Sarawak (STB).
Ungkup rikod, urung 84 pelumba BASE deka ngambi bagi ba renggat kesemilan perejuk BASE Sibu Antarabansa berengkah ensanus nyentuk Hari Minggu (24 Sept).
Bisi 86 pesereta iya nya nyengkaum peranak luar lapan penerejun indu, udah nya empat iku agi penerejun rayat Malaysia.
Sida tu mega nyengkaum penerejun ari menua Australia, Belgium, Brazil, Kanada, Finland, Perancis, Jerman, Ireland, Itali, Belanda, New Zealand, Portugal, Rusia, United Kingdom, Amerika Syarikat enggau Malaysia.
Hii madah, bala penerejun Sibu BASE Jump tu mega diperambu deka nemuai ngagai Rumah Michael Jalak di Bawan, Kanowit kena 24 September tu.