Pengerami Hari Malaysia ke diintu Sekula Tenby ba Miri richah
MIRI: Bala nembiak sekula primari Sekula Antarabansa Tenby enggau Sekula Sri Tenby ngintu Hari Malaysia enggau chukup pengerichah di library sekula kena Hari Lima ( 15 September) tu tadi.
Pengari sekula ba sebengkah penerang kemari madah tetiap kelas mandangka nama pekara ti dipelajarka sida rambau Gempuru Hari Malaysia.
“Sehari nya dipungkal enggau pengawa belagu lagu nasional, Negaraku, ari bala nembiak, diulu nembiak Primari 1, 2 enggau 3 Sekula Sri Tenby, sekula peribit Malaysia kitai, enggau bala nembiak ari sekula antarabansa bela ngaul diri.
“Bala nembiak kitai ke tuai belajarka semua sejarah Malaysia enggau pasal bida raban etnik Malaysia, seraya bala nembiak di sekula antarabansa belajarka pasal semua reti Lagu Negaraku lalu nerangka pekata tu ngagai bala nembiak ti enda bejaku ngena Jaku Malaysia,” ku pengari nya madah.
Bala nembiak Taun 3 enggau 4 sekula primari antarabansa belajarka semua pekara peranak Malaysia ti tebilang nama sereta mega kraf enggau seni Malaysia ti dikerindu seraya bala nembiak ke bukai belajarka jelu kampung asal di Malaysia.
Taun 1 bekunsika lagu Malaysia ti udah dipelajarka sida lalu nembiak Taun 2 manduk sekeda pemakai asal peranak Malaysia lalu nerang nama pemakai dipanduk lalu baka ni sida manduk iya.
Ku pengari nya nambah, Sekula Tenby Miri, begulai enggau empat buah kampus Tenby, ngembuan dua buah sekula ba kampus iya benama Sekula Antarabansa ti dibelalauka International Primary Curriculum (IPC), National Curriculum for England (UK) enggau program IGCSE, sereta mega Sekula Peribit Malaysia belalauka Kurikulum Malaysia.
“Bala nembiak tu ari program pelajar bebida ngambika ulih begulai sereta meretika pangan diri. Pemerindang sekula, kelab enggau tim sekula sereta bemain begulai meransang bala nem- biak ulih begulai ti suah agi ‘diasingkan’,” ku penerang nyemetak.
Siti da agi sekula baru di Klang Valley, dalam bungkur pemansang Tropicana Aman di Kota Kemuning, Selangor mega dalam perambu lalu deka berengkah dibuka dalam taun 2018.
Sekula tu nerima penatai taja apai indai dilalau nganjung peminta enggau jampat. Peminta diatu diterima ungkup taun akademik Januari 2018. Apai indai nembiak diperansang ngabas sekula ngambika meda perengka guna sereta nemu silik agi. Penerang silik, tau ngelawa website sekula di http:// www. tenby. edu. my/ miri tauka betelefon nuju 085491 526 tauka smiri@tenby. edu.my.