Semua piak patut besaup mutar penanggul ekonomi
Pengari rayat penyakal mega patut meri buah penemu konstruktif ngagai perintah dalam mutarka penanggul nya
BINTULU: Berebak enggau gaya ekonomi ke nadai tentu semua piak lebih agi pengari rayat nyengkaum penyakal patut besaup mantu perintah mutarka nya.
Kaban Parlimen Bintulu ke mega Presiden Parti Demoraktik Progresif (PDP) Datuk Seri Tiong King Sing madah, gaya belanja menua ke nadai tentu tu sebaka enggau menua bukai ke napi penanggul ekonomi.
“Nya alai, kitai ngaku endang bisi pengurang din ditu nyentuk belanja ungkup rayat diputung. Tang laban ke nyadi kaban parlimen, pengari rayat sereta kaban politik enda ngira parti nama, kitai patut besaup mantu pangan diri,” ku iya.
Iya madah munyi nya rambau aum pemberita ba Palan Servis Pengari Rayat Parlimen Bintulu ba Parkcity Commercial Centre ditu kemari.
Ku iya, laban nyadi orang
Nya alai, kitai ngaku endang bisi pengurang din ditu nyentuk belanja ungkup rayat diputung. Tang laban ke nyadi kaban parlimen, pengari rayat sereta kaban politik enda ngira parti nama, kitai patut besaup mantu pangan diri. Datuk Seri Tiong King Sing Presiden PDP
politik, ketuai patut meri sukung ngagai perintah, dini- dini pengurang patut dikemanah.
Iya madah, laban ke nyadi pengari rayat penyakal mega patut meri buah penemu konstruktif ngagai perintah dalam mutarka penanggul nya.
Lebuh ngelansa pasal ungkus pengidup ke majak niki ku iya, semua piak patut besaup sereta mantu ukai ngelempaika penanggul ngagai perintah aja.
“Iya ke nyadi orang dagang ambika chunto semua patut bejalaika tanggungpengawa berebak enggau penanggul ekonomi tu, beri bantu ngagai orang tusah,” ku iya.
Nya alai, ku iya, diatu rayat patut berati ukai semina nganu Barisan Nasional (BN) laban atur ke dikuasa parti nya.
“Iya ke nyadi kaban politik enda patut ngaga pemutus sengapa. Taja sida penyakal, sida patut meri buah penemu ke manah lalu ukai provokatif ke ulih ngajum runding rayat,” ku iya.
Nya alai, iya ngarap rayat Sarawak enggau Sabah berati kediri empu isu ti bisi dibantai sereta anang peneka mansutka jaku.