Pekit Badminton Kapit 2017 nerima timbal chukup manah
KAPIT: Kaban Kunsil Nengeri (ADUN) Bukit Goram, Jefferson Jamit Unyat madahka main badminton chukup dikerindu di Kapit,” ku iya lebuh bejadika Pekit Badminton Tetutup Kapit 2017 di Stadium Bletih, apin lama ke udah.
Pekit diatur Serakup Badminton Bagi Menua Kapit nerima timbal chukup manah ari sida ti rinduka main badminton.
Bisi 18 tim ngambi bagi ba katgori Lelaki Beraban, lapan iku kategori Lelaki Tebuka, lapan tim Lelaki Veteran Beraban, enggau lapan tim kategori Indu Beraban.
Jamit nyemetak madahka penetap diri nyadi pengari rayat, iya deka nyukung sebarang lumba tauka aktiviti bepengerai ditu dikena nerenakka gaya idup bepengerai ngambika seruran regas.
“Lumba endang ditemu nyadi kereban pemadu iya beguna ngempuruka rayat begulai. Aku meransang aktiviti lumba ngagai peranak menua tu nyadi pemunas penyalah rama,” ku iya.
Iya ngelalau rayat kelebih agi raban nembiak anang ngaul diri dalam ulah enda menuku baka salah guna dadah ti tau ngasuh penanggul besai nyadi. Kena memanah jam kita ngaul diri dalam aktiviti ti menyana baka bemain – badminton, futsal, main bol, jogging, enggau ke bukai. Kelimpah ari ngemeranka gaya idup bepengerai, iya mega mantu ngambika terus regas, nadai bepenyakit – tinggi darah, kemi manis, kelalu gemuk.
Berebak enggau pengawa sehari nya, Jamit bisi nge- mendarka geran perintah penyampau RM6,000 ungkup Serakup Badminton Bagi Menua Kapit.
Presiden Serakup Badmin- ton Bagi Menua Kapit, David Chuo, madahka tu pekit diatur serakup nya ninting taun.
Ku iya, rintai aktiviti ungkup taun 2018 baka Pekit Badminton Tetutup Kapit, kus jurulatih, klinik ngelatih badminton junior.
Sama bisi datai Residen Kapit Joseph Belayong.