Rajvis Nyalau champion Pekit Badminton Kapit
KAPIT: Rajvis Nyalau nujur bulih gelar champion Pekit Badminton Tetutup Bagi Menua Kapit ke baru tembu diatur.
Marcus Law ba penuduk lumur dua seraya Abang Suhaiddin enggau Mohd Radziman bela menggi penuduk ketiga.
Pemesai Pelilih Bukit Mabong Douglas Pungga udah bejadika pengawa nutup sereta nyuaka perais diatur di Stadium Bletih kena lemai Hari Minggu.
Sama bisi datai Presiden Serakup Badminton Bagi Menua Kapit David Chuo enggau Pemesai Nembiak enggau Lumba Kapit Jack Janda.
Dalam Kategori Beregu Lelaki, Lawrence enggau Geralson menggi gelar champion. Radziman enggau Jebini ba penuduk lumur dua seraya Joseph enggau Taira, Herman enggau Abang Suhaiddin bulih lumur tiga.
Dalam Kategori Lelaki Veteran, Sng Chee Ching enggau Liong Liong Chin bulih gelar champion. Samail enggau Ju- naidi kedua seraya Jeck Suhai enggau Waren, Kumbong enggau Jarit Jermit bekunsi penuduk ketiga.
Beregu Indu, Ellena Kong enggau Michelle Kong mujur menang ba kategori nya. Florence enggau Isabel menggi lumur dua sereya lumur tiga dikunsi Siti Raibah enggau Susan, sereta Kong Sien Ing enggau Shirly Wong.
Pekit lima hari berunggu nya udah diatur berengkah ari 4 nyentuk 8 Oktober tu tadi, diatur Serakup Badminton Bagi Menua Kapit.
Pekit tu udah matak 18 iti tim beregu dalam pekit Beregu Lelaki, lapan iku ba Men Single, Beregu Indu enggau Veteran Lelaki.