Pekit Futsal SDNU Sibu 2017 deka diatur kena 21 enggau 22 Oktober

SIBU: Gerempung Dayak Sarawak (SDNU) Pampang Sibu nesau mensia mayuh bela ngambi bagi ba Pekit Futsal SDNU Sibu 2017 ti deka diatur 21-22 Oktober tu ba gelanggang futsal Rumah Jemat, Jalai Kemuyang.

Nitihka penerang, pekit tu dibagi ngagai kategori Junior (umur 13-18 taun) enggau kategori tebuka lalu ditatak semina 20 iti tim aja.

Atur enggau ngambi bagi ba pekit tu iya nya tebuka ngagai bansa Dayak aja.

Bayar siti tim enggau bepekit iya nya RM80 ungkup kategori Junior enggau RM100 (kategori tebuka).

Champian ba kategori Junior deka mai pulai perais mata duit RM500, trupi enggau midul.

Perais penuduk lumur dua enggau tiga begulai iya nya RM300 enggau RM200 sereta bela disempulang trupi enggau midul.

Perais sagu ati ari penuduk lumur lima enggau lapan iya nya hamper.

Ba kategori tebuka, champian deka mai pulai perais mata duit RM700, trupi enggau midul.

Lumur dua enggau tiga begulai iya nya RM500 enggau RM300 sereta bela disempu- lang tropi enggau midul.

Perais hamper deka diempu penuduk lumur lima ngagai lumur lapan.

Penerang silik enggau pom pekit tau ditanya ba Chairman SDNU Sibu Chambai Lindong nengah lumur 0198276892 tauka chairman komiti pekit Johnady Janton (013-8023065), Johny Sain (01117894467) enggau Patros Tandang (013-5754525).