M’sia seruran ditapatka temuai endur ngelantangka ati

Laban menua tu tebilang enggau mayuh macham adat, main asal sereta penyerakup pupu bansa

SRI AMAN: Malaysia nyadi sebuah menua dagang temuai ti besai di dunya ke seruran ditapatka temuai laban tebilang enggau pengelantang sereta likun endur nemuai.

Menteri Muda Pengelantang Komuniti Sarawak, Datuk Francis Harden Hollis madah Malaysia mega tebilang enggau bemacham adat sereta main asal kelimpah penyerakup pupu bansa ke diau dia.

“Semua tu mih ngangkatka Malaysia nyadi sebuah menua ti nyelai, laban rayat diau bebaik enggau bebatak asur.

“Tetiap iku temuai ke bisi nemuai ngagai menua tu tentu deka nusui pemanah enggau kemerah peranak iya maya mulaika diri ngagai menua asal sida,” ku iya.

Iya ke mega Kaban Kunsil Nengeri (ADUN) Simang-

Semua tu mih ngangkatka Malaysia nyadi sebuah menua ti nyelai, laban rayat diau bebaik enggau bebatak asur. Datuk Francis Harden Hollis Menteri Muda Pengelantang Komuniti Sarawak

gang mansutka jaku nya nengah teks jaku ti dibacha pengari iya, Kapitan Tiong Chong Onn, rambau bejadika Makai Lemai Serumpu Pengerami Kuih Bulan 2017 diatur Parti Sa’ati Rayat Sarawak (SUPP) Pampang Simanggang bepalan di sebengkah restoren terkemuka semak ditu, malam kemari.

Nitih ku iya, penyelai ke bisi di menua tu, bala temuai ke datai enda kala berasai nangi enggau pemanah sereta kemerah pupu bansa ditu.

“Kitai di Sarawak mega enda kurang, penyerakup bansa ke bisi udah dikemeran bepuluh taun pengelama.

“Rayat pupu bansa, jalai pengarap sereta peturun seruran bebasaka pangan diri lalu tu nyata dipeba maya ngintu hari besai di nengeri tu, pengerami nerima pengabang endang meruan diatur,” ku iya.

“Ari nya kitai meda penyerakup di nengeri tu endang rat lalu nadai penekul pengawa ngabang tauka ngusung bala bakih ti bebida bansa,” ku iya nerang silik.

Nya alai ku iya, hari besai di menua tu baka Taun Baru China ( TBC), Hari Raya, Gawai, Deepavali enggau Kriamas mega udah nyadi produk dagang temuai men- ua ke alai peranak ari menua luar ulih berami begulai enggau kitai,” ku iya.

Sama bisi datai, Pemancha Micheal John Sanggop, Sapit Chairman Kaunsil Pelilih Sri Aman ( MDSA), Kunsilor Andar Suntai, Kapitan Tay Yaw Ming, Kapitan Kiew Si Ted, Kunsilor Tan Eng Siang sereta bala bukai.

Pengerami nya mega dirichah enggau pengawa melah kek kuih bulan enggau Pekit Laki Bini.

NGULU: Bala pesereta seminar enggau (duduk, empat ngagai lapan kiba) Jahana, Henry, Ding, Umadi, Tang sereta bala staf pengintu pengelantang ke bukai.

BEJADI: Tiong (tengah) ngarika Harden begulai enggau bala kaban Parti SUPP Simanggang ke bukai beung melah kek Kuih Bulan nyerumba atur pengerami malam kemari.