Servis tuai rumah ba sitak Saratok dipelaba deka dilanjar ngagai Dis 2018

Utusan Borneo (Sarawak) - - Berita Iban -

MIRI: Malam Kaunsil Lumba Sekula Primari Zon Menua Ulu Baram (MSSR) di Long San ba menua ulu Baram apin lama ke udah, nyadi pengerami ngelaluka pemulai Rosiana Urai.

Penatai asal ari Long Lamai, Baram, penatai khas iya ba malambeserimbai enggau pengawa nutup MSSR Zon Menua Ulu Baram di Sekula Primari ( SK) St Pius, nyadi pengawa merindang kedua iya di menua ulu. Penatai keterubah iya rambau Taun Baru China di KM10.

Nitih ku Urai, tu basa ngagai iya pulaika menua sereta merindang komuniti di menua nya, bala nembiak enggau pengajar ari Long San sereta genturung pendiau enggau rumah panjai besemak.

Urai, siku penanyi tebilang menua nya sereta bansa Kayan ti udah ngerikod mayuh lagu dalam Jaku Iban, Kayan enggau Kenyah.

Seraya merindang mensia mayuh, Urai mega ngelalau bala nembiak ke bisi datai maya pengerami malam nya ngambika ransing agi belajar laban pelajar nyadi kunchi dikena ngubah sida sebilik, komuniti enggau kandang menua nya.

Pia mega, iya bisi nangkan sida bebasa sereta ngenang pemanah budi bala pengajar enggau apai indai ti udah kiruh, nyukung enggau meri peransang. KUCHING: MP Saratok Tan Sri William Mawan Ikom ensanus madahka timpuh servis tuai rumah dalam sitak parlimen iya deka dilanjar ngagai bulan Disember 2018.

Ku iya, tebal agi servis bala tuai rumah abis timpuh kena bulan Mac tauka Jun 2018 lalu bisi sekeda udah bisi datai ngagai iya mantaika pengirau ati diri, laban bisi servis sekeda nya enda ditampung pengudah bulan Mac tauka Jun taun baru.

“Sida semua deka nampung servis ngagai rayat. Taja pia aku nemu servis sida dipelaba deka dilanjar nyentuk bulan Disember 2018 lalu aku pechaya semina sida ti bejalaika pengawa nitihka atur aja deka dikemeratka dulu dilanjar servis,” ku iya lebuh nerima penemuai basa maya raban ari Saratok.

Ku iya, lebih 20 iku tuai rumah udah betemu enggau iya bekaul enggau pekara nya kenyau beberapa bulan ke udah. Mawan mega madah, Bagi Menua Betong udah baum sentang pekara tu lalu Bagi Menua Sarikei deka ngatur aum ke sebaka enda lama agi.

Mawan ke mega gegelik siku pengari terus Barisan Nasional (BN) di Malaysia madahka diri berasai nyamai gawa sereta ngulihka sukung ari dua iku ADUN BN ba sitak iya. Seduai tu iya nya ADUN Kalaka Datuk Abdul Wahab Aziz enggau ADUN Kabong, Mohd Chee Kadir.

Pemanah kaul ulih dipeda sebarang maya bisi pengerami di Saratok, ku mawan.

Iya mega madah, ke bendar nadai iya isu enggau pengari rayat BN bukai lalu tu ulih dipeda maya bemain golf enggau maya bisi pengerami.

Taja pan sitak Krian ari baruh pegai Parti Keadilan Rakyat (PKR), tang Mawan madahka ADUN sitak nya mega pangan sereta kaban iya.

Lebuh ditanya sentang sambut lebuh iya ke bisi nemuai ke Saratok sebedau tu, ukai ketegal pengawa bepilih udah majak semak tang laban iya pengari rayat ti talukka rayat, lalu sesapa ke ngelala iya nemu pasal pekara nya.

Sama bisi nemuai ngagai iya ba opis iya ensanus beberapa iku tuai rumah ari Saratok, orang dagang enggau raban ari Borneo Evangelical Mission (BEM) pasar Saratok.

Nengah awak nya, Mawan nyuaka geran ari perintah sepenyampau RM10,000 ngagai pampang nembiak BEM Saratok ngambika bisi dikena sida ngatur aktiviti lalu RM500 agi ari kuchik iya empu dikena melanja ungkus pemakai ke kaban bukai ti ngulu kus nanam chabi.

Agih belanja nya diterima chairman gerija pampang nembiak, Tom Sat.

BESILIH PEMERI: Mawan (enam kiba) nyuaka chek ngagai Tom lalu maya nya mega nerima tepa ari iya (Tom) seraya dikemata bala bukai.

DATAI BARU: merindang mensia mayuh ke bisi datai ngulu pengerami malam nya.

Newspapers in Malay

Newspapers from Malaysia

© PressReader. All rights reserved.