Program ‘Business on Truck’ Renggat Nengeri Sarawak dipenyadi kemari
KUCHING: Program ‘Business on Truck’ Renggat Nengeri Sarawak 2017 dipenyadi di Medan Niaga Satok ditu, kemari.
Program ke diatur Opis Menteri Nembiak, Lumba enggau Main Sarawak nya dipenyadi Sapit Ketuai Direktor Rakan Muda R Affendi Razali.
“Dagang nguna lori bejualka pemakai tauka ai irup sereta barang bukai nyadi sebengkah agi chara ngaul diri ba pengawa dagang.
“Tu seiti chara baru ke chukup manah ke alai dagang kitai ulih dibai mindah kin kitu kelebih agi ngagai palan ke bisi pengerami,” ku Affendi.
Berindik enggau nya, Affendi ngarap mayuh agi orang dagang, kelebih agi raban nembiak nguji chara dagang nya.
Ku iya, dagang nguna lori udah digaga di menua besai baka ke di Kuala Lumpur lalu udah nyata mai penguntung.
“Ungkus ngepunka da- gang tu enda besai. Di Kuala Lumpur dagang chara tu majak dikerindu,” ku iya nambah.
Affendi ngarap program ulih nempa orang dagang ari raban nembiak ke ngembuan inovasyen, kreatif sereta ulih besemekih.
Nengah atur tu kitai ulih ngangkatka ekonomi menua seraya ngemansangka orang dagang, tandu iya.
Program Busines on Truck Sarawak 2017 diatur dua hari berunggu berengkah kemari lalu nyendia mayuh aktiviti ngagai orang ke datai ti dikemujur nengah saup mayuh bengkah ejensi perintah.
Ba program kemari, demonstrasyen raban polis nangkap penchuri entukar bisi dipandang ngagai mensia mayuh.
Bela datai Direktor FAMA, Paza Dan enggau orang bukai.