John Siang dipilih nyadi chairman PRS Bukit Assek
SIBU: Komiti Parti Rayat Sarawak (PRS) Bukit Assek 2018-2019 udah dipilih maya Aum Ninting Taun pati parti nya ditu, empai lama tu tadi.
Ba aum tu, Duli Sanggau udah dipilih nyadi chairman lalu John Siang Maju nyadi sapit iya.
Mandal Chairman sida iya nya Alex Enggi lalu Casper Kayong Umping nyadi Sekretari enggau Ramli Bacha nyadi sapit iya.
Pengawa nyadi Tukang Wang dipegai Maluda Tambi enggau sapit iya iya nya James Raphael.
David Usup maya tu dipilih nyadi pemesai publisiti ti disaup 12 iku raban bukai.
Ba komiti raban indu, Eda Manan dipilih nyadi ketuai lalu Ensong Ipit nyadi sapit iya.
Mandal sida iya nya Teresa Maju enggau Susana Awat nyadi sapit sekretari.
Pemantu Sekretari iya nya Jelumie Dangat.
Stella Mina dipilih nyadi Tukang Wang lalu Angela Gikian nyadi sapit iya.
Pemesai Publisiti maya tu iya nya Satie Joanis bela disaup 12 iku raban ke bukai.
Komiti raban nembiak betuaika Winston Casper lalu Lijang Japar nyadi sapit iya.
Mandal chairman iya nya Jelly Tambi, Alexander Sabang nyadi Sekretari lalu Merive Authy Alex dipilih nyadi sapit Sekretari.
Pemesai Publisiti iya nya Ludan Sato ti disaup 12 iku raban ke bukai.
Pengawa sida tu dikemataka Sapit Tukang Wang PRS ti mega Sekretari Politik Kepala Menteri Edwin Banta.
Maya ke bejaku, iya ngarapka PRS Bukit Assek nambahka agi penyampau raban sida ti deka ngemuntangka pengawa meri servis ngagai rayat sereta nangam kerejasama enggau komponen parti Barisan Nasional kebukai.
Iya mega madahka pengawa numbuhka pati parti baka nya ukai muntang digaga tang randaka penyakah sereta sukung ari semua raban parti.
Ba aum tu mega, Kayong bisi nyuaka 530 iti kepin pom baru nyadi raban PRS Bukit Assek ngambika dibai ngagai indu opis parti nya di Kuching.
Naka ke diatu PRS Bukit Assek bisi 530 iku raban lama lalu diatu 900 iku raban ke baru udah ngerejister nama.
Ari penyampau nya, tu mandangka pati parti nya bisi urung 1,400 iku raban bagi renggat 2018-2019.