Sida ti bepenau belagu diperansang nyereta ‘La Voice Challenge Vol 1’
KUCHING: Sida ti bepenau pengawa belagu diperansang nyereta pekit karaoke tebuka “La Voice Challenge Vol 1” diatur Langkau Asap Bistro Batu Kawa ditu.
Chairman Pengatur, Hillary Jeffery, madahka pekit keterubah iya tu deka diatur dalam tiga renggat, berengkah ari renggat bepilih tumu, semi- final enggau renggat kepenudi.
Lima atur pengawa bepilih tumu deka diatur kena 18, 22 enggau 29 Oktober sereta 8 enggau 15 November 2017 di Langkau Asap Bistro.
Sida ti mujur ba renggat saringan deka dipilih ngagai renggat semi-final kena 26 November ngerebut penuduk ngagai renggat kepenudi kena 9 Disember 2017.
“Tuju kami ngatur pekit tu kena ngiga penau belagu baru sereta ngerapitka kaul penyerakup komuniti ari pupu bansa.
“Pesereta peneka milih sebarang lagu disadaka sida lalu patut mai disc lagu (CD) tauka disc video (VDC) kediri empu,” ku iya.
Berebak enggau nya, champion deka nerima perais mata duit RM500 disempulang trofi enggau setipikit penyereta seraya lumur dua enggau tiga bela deka nerima RM300 enggau RM200, mega bela disempulang trofi enggau setipikit penyereta.
Tujuh pemenang sagu ati deka nerima RM50 disempulang hamper enggau setipikit penyereta.
Beserimbai enggau malam renggat kepenudi ila mega bisi diatur chabut tikit benasit enggau pemerindang ari bala artis tebilang kelimpah perais ke bukai.
Sekeda iku temuai dipebasa mega deka dikangau datai ngerichahka pekit sereta pengawa nyuaka perais ngagai bala pemenang enggau pesereta.
Penerang silik pekit tau betelefon nuju DJ Daniel James (016-2555747), Hillary (013-3519968) Uchu Belawing (013-8186684) tauka Isa Lee (013-8266081).