Anang kelalu ngansak anak mit belajar
Maya ba taska tauka tadika chara sida diajar enda tau ngelui ari belajar sereta bemain
Umur nembiak ke baru manggai entara 3 taun ngagai 6 taun, iya nya agi kelalu biak. Anang kelalu mejal anak kita, laban nya enda manah ke pemansang untak anak mit. Tejuka sida iya bemain sambil belajar, anang guai mejal sida enda tau enda landik macha, nulis tauka ngira. Dato Sri Fatimah Abdullah Menteri Pengelantang Pendiau, Komuniti, Orang Indu, Ruang Bilik enggau Pemansang Anak Mit
KUCHING: Nembiak mit ke dianjung apai indai sida ngagai taska tauka tadika ngambika diibun, belajar sereta bemain pengudah apai indai ninggalka anak sida dia laban ti gawa, tang chara anak mit tu diajar, enda ngelui ari belajar sereta bemain.
Menteri Pengelantang Pendiau, Komuniti, Orang Indu, Ruang Bilik enggau Pemansang Anak Mit, Dato Sri Fatimah Abdullah madahka apai indai anang kelalu ngansak anak sida iya ke agi biak nya, enda tau enda nemu macha tauka nulis laban palan nyaga anak mit tu enda kelalu beratka pelajar.
“Umur nembiak ke baru manggai entara 3 taun ngagai 6 taun, iya nya agi kelalu biak. Anang kelalu mejal anak kita, laban nya enda manah ke pemansang untak anak mit. Tejuka sida iya bemain seraya belajar, anang guai mejal sida enda tau enda landik macha, nulis tauka ngira.
“Umur sida iya ke agi biak, tejuka bemain seraya belajar ari pangan diri, belajar berandau, bejaku, pemansang rama sereta ari sukut fizikal sida iya,” ku Fatimah.
Iya madah munyi nya lebuh dikerandau ulih pengarang berita pengudah ngepunka Hari Taska ti diatur ulih Gerempung Pengasuh Nembiak Mit ke Direjista di Sarawak (PPKBS) di Bangunan Yayasan Sarawak ditu, kemari.
Sama enggau ngulu atur pengawa nya, urung 11 buah taska peribit ke bisi mai sereta anak mit ke belajar di taska tu,apai indai nembiak, bala pengajar taska, presiden PPKBS, Ng Leen Boon enggau wakil Direktor Opis Pengelantang Pendiau Mensia Mayuh Sarawak (JKMNS) Umadi Polot.
Pelajar tumu ke anak mit taska enggau tadika, digaga ngambika bisi palan alai nyendiaka bala nembiak mit dalam gaya fizikal sereta mental sida iya, sebedau sida iya masuk sekula primari.
“Enti bisi anak mit ke landik macha tauka nulis lebuh umur sida iya agi ba taska tauka tadika, nya nyadi bonus ke kitai, tang anak ngansak sida iya, tauka tumu endar udah di anjung tuisyen. Nya konsep ke salah, tang semina pemansang kognitif aja, ari sukut ulah, emosi sereta ulah sida iya bukai.
“Pemerat ba pemansang rama tauka nempa ulah anak. Tu jeman sida iya bemain nengah pelajar ke ngerindang ati,” ku iya.
Di menua Jipun, Australia, New Zealand ku iya, pekara ke dikemeratka ba pemansang anak mit, iya pemansang sosio- emosi, pemansang komunikasyen, ukai beratika anak mit tu meseti pandai nulis, ngira.
“Enti nyau enda tau enda pandai nulis tauka ngira, nya pengawa sekula primari, ke ngajar sida iya macha, nulis sereta berunding,” ku iya.
Fatimah madahka, ngipak jaku rambai Hari Taska nya, “Bermain’ keterubah diatur di menua tu, penumbuh taska di kategori endur nya ke nyadi sebuah palan institusi, ke ulih dibuka di rumah tauka ba endur gawa.
“Enti ulih kompeni ke besai-besai, tau nyadi sistem sukung ke berat, kelebih agi ke pengereja pengawa ba kompeni nya empu, ngambika bala indai ke gawa ba kompeni nya, enda irau ati ninggalka anak sida iya ba palan endur nyaga anak mit ( ke dibuka ulih kompeni nya), ke dijaga ulih orang ke dilatih, nyengkaum palan nya disengkaum ba endur gawa,” ku iya.
Ba atur pengawa nya kemari, Fatimah bisi bejanji deka mantu PPKBS nengah geran dalam penyampau RM10,000.00 MIRI: Pakatan Harapan (PH) deka bediri ba tujuh penuduk Parlimen tungga ke utara Sarawak nyengkaum Bintulu, Miri enggau Limbang ba pengawa bepilih besai ke- 14 (PRU14).
Komiti Pengawa Bepilih Besai Sarawak Pakatan Harapan madah tujuh penuduk Parlimen ke deka alai bediri tu iya nya Bintulu, Hulu Rajang, Sibuti, Miri, Baram, Limbang enggau Lawas lalu ditaga ulih menang tiga ari tujuh penuduk nya.
“Kami ngembuan juluk deka bediri minta pilih nenggali alan nyatup Barisan Nasional (BN),” nitihku penerang komiti nya ensanus.
Komiti nya betuaika ADUN Pujut aro DAP Dr Ting Tiong Chooon, nyadi chairman, enggau dua sapit iya Thor Danial (Amanah) enggau Dennis Along (PKR).
Semina penuduk Parlimen Miri diatu endang diarika PKR, penyandang ungkup enam penuduk bukai ari BN. Sarawak bisi 31 penuduk Parlimen. — Bernama