Projek di menua ulu ungkup pemaik rayat
Projek pemansang dikena nentuka rayat di nengeri tu bela ngasaika pengelantang
SIBU: Perais mata duit RM3,000 deka nganti gelar champion ba Pekit Nginti Shimano Sibu 2017 ti deka diatur kena 26 November ti deka datai.
Pekit ke diatur Shimano (S) Pte Ltd sereta disaup Oft Pancing Sdn. Bhd tu deka digaga ba ba Lorong 11, Jalai Ding Lik Kong belabuh 8.30 pagi nyentuk 12 tengahari.
Kelimpah perais mata duit nya, champian mega deka mai perais kereban nginti enggau trupi.
Penuduk lumur dua enggau tiga mai pulai perais mata duit RM800 enggau RM300 sereta bela disempulang kereban nginti enggau trupi.
Penuduk lumur empat ngagai ke-10 mai perais mata duit RM100.
Bayar enggau bepekit iya nya RM30 (raban Gerempung Nginti Sibu) lalu RM50 (enti ukai raban gerempung). ngelui ari 23 November lalu sida ti ngerejister nama laun ari nya deka dipinta mayar RM80.
Penerang silik tau ditanya ngagai Kong Nguk Leong nengah lumur 016-8788836. LONG LAPUT, BARAM: Tuju program pemansang ti dipejalai di kandang menua Baram ukai deka ngenusahka rayat tang dikena perintah mantu sereta ngenegapka ekonomi rayat menua ulu.
Sapit Kepala Menteri Datuk Amar Douglas Uggah Embas madah, dibanding enggau kandang menua ke bukai di Sarawak, Baram agi kurang nerima infrastruktur, bekal ai, kuasa karan enggau ekonomi.
Bejaku rambau pengawa nyerahka tambak getah enggau pengawa ngelanchar taba rumah panjai baru di Long Laput Eda Beran kemari, Uggah madah Baram bisi pengulih tinggi ba pengawa betanam betupi.
“Tanggungpengawa kami di opis menteri enggau pengari rayat di sitak tu ngambika meri penerang sebarang program ti deka dipejalai. Belalauka sejarah ke udah, semua program diatur perintah ukai program ti deka ngerusak enggau ngenusahka rayat tang dikena mantu rayat.
“Nya alai, rayat enda patut charut tang sebarang penemu pasal sesebengkah program patut dikerandau enggau bala ketuai,” ku Uggah seraya nambah, pemujur tetiap program begunaka kerejasama semua.
Uggah ke mega Menteri Betanam Betupi Moden, Tanah Adat enggau Pemansang Kandang Menua madah, ambika chunto, Kabinet udah ngemendarka 208 hektar ungkup projek nanam getah di Long Laput.
Tanggungpengawa kami di opis menteri enggau pengari rayat di sitak tu ngambika meri penerang sebarang program ti deka dipejalai. Belalauka sejarah ke udah, semua program diatur perintah ukai program ti deka ngerusak enggau ngenusahka rayat tang dikena mantu rayat. Datuk Amar Douglas Uggah Embas Sapit Kepala Menteri
Ku iya, projek getah tu nyadi siti ari pejalai program pemansang dikena ngenegapka penatai pemisi rayat di Baram.
“Projek nanam getah tu dipenggi kita seraya perintah semina nyediaka perengka guna aja. Nya alai kita patut nyaga utai tanam enggau memanah nentuka iya meri asil ti pengabis manah,” ku Uggah.
Ba lansa ke bukai, pemansang strategik enggau komprehensif di kandang tanah tinggi Baram patut diperambu memanah ngambika tetiapm program ti di- langkar ulih dipejalai enggau menyana.
Uggah madahka kandang tanah tinggi Baram bisi pengulih besai dikemansang nyadi hab betanam betupi laban gaya hari dia endang engkeman endar ungkup utai tanam nitihka gaya pengangat enggau penyelap angin.
Ku iya, pengawa ngemansangka kandang Baram nengah pengawa betanam betupi endang setipak enggau polisi Menteri Besai Datuk Seri Najib Tun Razak dikena nentuka kandang menua pesisir bela dikemansang enggau pengandal dudi hari ila ulih ngasaika pemaik pemansang.
Nangkan nya ku iya, rambau pejalai nemuai taun nyin tadi, Najib udah meri jali rumah panjai enggau mega kebun ladang getah 208 hektar.
“Tu nyenggala ngayanka sida ketuai kitai di renggat perintah besai enda kala ngelaungka peranak Sarawak.”
“Pia mega di renggat nengeri, Kepala Menteri Datuk Patinggi Abang Johari Tun Abang Openg nampung pengawa transformasyen menua pesisir laban kandang menua nya agi tinggal,” ku iya.
Kelimpah ari kenang nya, Uggah merambu ngagai pengari rayat di sitak Baram nganjung nama ngulu kus nginang kelulut enggau pengawa magi kutak ulih dipejalai enda lama da agi.
“Kitai udah merambu ngambi ngemendarka 10,000 kutak dikena ngepunka pengawa ungkup kandang Ejensi Pemansang Tanah Tinggi Sarawak (HDA).”
Berebak enggau nya Uggah ngemendarka agih belanja Projek Mit Pemansang Menua Pesisir (MRP) penyampau RM20,000 ngagai Komiti Pemansang Enggau Pengelikun Genturung Pendiau (JKKK) Long Laput, Council of Elders Baram (RM30,000) sereta Doh Kayan Telang Usan (RM10,000).
Sama bisi datai Kaban Kunsil Nengeri (ADUN) Telang Usan, Dennis Ngau, Ketuai Komuniti Orang Ulu Temenggung Elizabeth Deng, Residen Miri Sherrina Husaini, Sekretari Politik Kepala Menteri Charles Balan Seling, bala ketuai raban bansa sereta ketuai opis ke bukai.