Pulapol Kuching ulih kena ngelatih polis marin Tu ulih dikena nganti Palan Latih Polis Marin ke seruran dipejalaika ba Johor Bahru
PADAWAN: Palan Pematih Polis (Pulapol) Kuching di Padawan engkeman endur ngadu latih polis marin, ku Direktor KDNKA, CP Dato Sri Zulkifli Abdullah.
Bejaku ba aum pengarang berita kemari, iya madah kandang endur Pulapol Kuching besai lalu ulih nganti Palan Latih Polis Marin (Pulamar) ke ngelamatu diadu di Johor Bahru.
“Kitai beratika kandang endur Pulapol tu chukup besai lalu ulih endur ngadu latih polis marin.
“Ngelama ke udah latih polis marin diadu di Johor Bahru ke alai diatu udah bisi isu ketegal empas pemansang ti majak nyadi.
“Ketegal nya kitai ngiga kandang endur bukai endur ngadu latih ke alai Pulapol Sarawak tu diasaika chukup engkeman,”ku iya.
Dulu agi ari nya Zulkifli udah bejadi pengawa nutup ‘Kursus Asas Pasukan Gerakan Am(PGA) Siri 2/2017 & Kursus Asas Marin Siri 1/2017’ di Padang Kawad Pulapol ditu.
Ku Zulkifli nambah, pemesai Pulapol Kuching sigi udah chukup tang pekara ke bekaul enggau teknikel deka ditusun enggau silik agi.
Kus ‘asas’ tu chukup berat ungkup pemesai enggau bala polis ngambika sida ngembuan penau, tandu iya.
Penyampau 199 iku PGA ti ngarika 50 pemesai’kanan’ enggau 149 pemesai pangkat baruh polis ke gawa di Briged Sabah enggau Sarawak datai ngulu kus.
Ungkup latih polis marin, kus digulu 343 iku ti ngarika 37 pemesai ‘kanan’ enggau
Kitai beratika kandang endur Pulapol tu chukup besai lalu ulih endur ngadu latih polis marin. Direktor KDNKA CP Dato Sri Zulkifli Abdullah
306 pemesai pangkat baruh ari semua opis Marin Malaysia.
Kursus Asas Marin keterubah iya diadu di Pulapol Kuching nengah kerejasama Pulamar Johor Bahru, Pulapol Kuching enggau Polis Marin Kandang 5 Bintawa.
Program nya nyadi pengemun perambu mindah Pulamar Johor Bahru ngagai Pulapol Kuching.