Karim: Pemutus ‘nadai kes’ patut dipansik
SIBU: Pemutus ‘nadai kes’ ti digaga komiti pemansik ti mansik pengawa ngereja kayu ti nadai pemendar di Bintulu meseti dipansik enggau silik, pia ku Menteri Dagang Temuai, Seni, Main Asal, Nembiak enggau Lumba, Datuk Abdul Karim Rahman Hamzah.
Ku iya, Komiti Nagang Pengawa Makai Suap Malaysia (SPRM) mega patut mansik sekalika bisi sebarang ulah bala pemesai bejalaika pengawa lebih ari kuasa sida.
Iya nimbal pasal berita lambar mua The Borneo Post, “Puzzled over release of seized logs, machinery worth millions” dikeluar 1 November.
Dalam ripot nya, Direktor Opis Kampung, Sapuan Ahmad dipadah ngenuku pengawa ngelepaska batang enggau entukar ti dirampas ketegal ngereja kayu nadai pemendar.
Nitihka berita nya, dalam bulan Ogos tu tadi, sebengkah operasyen ngabas ngenyit begulai dipejalaika kompeni enggau Sarawak Forest Cor- poration (SFC) ngujungka kayu churi berega RM7 juta enggau ijin besai udah dirampas di Bintulu.
Riport polis udah digaga ba Opis Polis Tatau lalu udah ngerampas lebih 3,500 lumpung kayu enggau 14 unit injin besai ti udah diserah SFC ngagai Opis Kampung.
Lebuh dikerandau minggu nyin tadi, ku Sapuan, sebengkah komiti ti ditumbuh mansik kes nya nyimpulka pemutus ‘nadai kes’ ngagai kompeni ti ngereja batang di kandang menua nya.
Direktor nyemetak madahka pemutus nya ukai diputuska iya tang ari pansik komiti, seraya nambah, nyadi direktor, iya nerima pekara ti ditemu bala komiti iya lalu ngelepaska batang enggau injin nya.
Ba pekara tu, ku Abdul Karim said, aku bisi ngasaika bisi pekara enda betul ditu lalu mensia mayuh nemu. Perintah nengeri keran ngemunaska pengawa ngereja batang ti na dai pemendar lalu tetiap kes ngerampas baru endang ngasuh mensia mayuh lantang ati.
“Aku pechaya mensia mayuh deka asa enggau pemutus ‘nadai kes’ ari bala komiti. Tu semina ngayanka sida enda professional lalu Unit Penerit Adat Pekara Kampung ngetan enggau ngerampas kayu sereta mega injin enggau nadai pansik ti meruan.
Tambah iya, lebuh pemutus ‘nadai kes’ digaga, tu ngayanka pengawa nebang kayu enggau ngerejakayu batang dikereja nitihka undangundang.
“Tau sekalika bala komuniti dipejal ngaga pemutus nya,” ku iya irau.
“Direktor Kampung empu udah ngeluarka penerang ke alai pemutus nya ukai ari iya tang ari komiti. Aku ngasaika bisi pekara enda patut ditu lalu ngarapka nya diperati silik agi nengah pansik.
“SPRM mega patut beratika pekara tu sekalika bisi sebarang pengawa bala pemesai ti ngatur ngelui ari kuasa sida. Aku semina enda lantang ati lebuh macha berita pasal pekara tu,” ku Abdul Karim.
Iya nyetemak madah, nyema bisi pengamat kereja batang dikereja enggau nadai ngelanggar sebarang undangundang, kompeni batang tu patut nyaman Opis Kampung laban ngerampas batang enggau injin sereta mega minta ganti rugi.
Berebak enggau nya, pemain industri udah mantaika pengasa ati sida ba pekara ngelepaska 3,5000 batang kayu enggau 14 perengka pengangkut besai ba pengawa ngetan pengereja kayu nadai laban semua bisi bukti mandangka aktiviti ngereja kayu dikereja nadai pemendar.
Nitihka diripot mega raban bekuasa ke bekaul udah diansak beratika silik pemutus komiti ke alai ‘nadai kes’ ngelaban kompeni ti betebangka kayu ba kandang menua nya taja pan ripot komprehensif ba aktiviti sida dalam kandang konsensi.
Pemain industri mega minta bala kaban komiti ti ngaga pemutus ditemu mensia mayuh, kelebih agi ngagai bala pemain industri sereta mega mantaika pemutus ti digaga ba kes ngereja batang ke nadai pemendar ti suah dibantaika nengah media.