Mayuh pemanah program Mobilepreneur@KKLW
Urung 490 iku pesereta program mujur nambahka penatai pemisi sida ngelui ari 10% ari ke suba
SIBU: Sekumbang Program Pengawa Dagang Mindah Kin Kitu tauka Mobilepreneur@KKLW dipejalai taun nyin kemari, urung 490 tauka 98 peratus pesereta udah mujur nambahka penatai pemisi ngelui ari 10 peratus ari penatai pemisi sida ke suba.
Sapit Menteri KKLW Datuk Alexander Nanta Linggi madah, ari penyampau nya urung 376 tauka (75.2%) udah mujur nambahka penatai pemisi sida manggai 30 peratus.
Ku iya, bisi 138 iku agi pesereta program tauka (27.6%) endang sida ke mujur nambahka penatai pemisi ngelui ari 100% penatai pemisi ke suba.
“Penyampau pupu rata ungkup semua 500 pesereta tu ke udah niki iya nya RM534 sebulan.
“Asil ‘outcome’ tu mandangka pengasi program nya dalam nambahka penatai pemisi pesereta taja bisi sekeda pesereta enda ulih neruska program tu,” ku iya.
Nanta madah munyi nya rambau bejadika Pengerami Nyuaka Mobilepreneur@ KKLW ke diatur ba Komplek Islam Sibu ditu kemari.
Sama bisi datai Sekretari
Asil ‘outcome’ tu mandangka pengasi program nya dalam nambahka penatai pemisi pesereta taja bisi sekeda pesereta enda ulih neruska program tu. Datuk Alexander Nanta Linggi Sapit Menteri KKLW
Unit Pemansang Pengawa Dagang Menua Pesisir Hussien Moh enggai Direktor Pengatur Pengawa Felcra Trading & Consultancy (FTC) Rohaizat Ahmad.
Nitihku Nanta, pengasi program tu besangkut paut enggau pengerembai teknologi kemaya hari lebih agi ba rayat di menua pesisir.
Ku iya, pengawa perintah ti ngemansangka tikas pelajar rayat di menua pesisir udah meri pangka enggau chara berunding ngena perengka ke bisi lalu nguna pengelandik diri nambahka penatai pemisi sida.
Kebuah pia laban sida pintar nguna peluang enggau perengka guna ke bisi disedia nyengkaum nengah media rama mandangka ilkan enggau nyebar penerang pasal pengawa dagang sida bepelasarka konsep hashtag enggau tagline.
“Pesereta patut berund- ing bejalaika chara bukai dikena nentuka dagang sida terus mujur ari sukut makit, rega ti engkeman serenggau penyelai servis sereta jam dagang dibuka.
“Nyema semua sukut pengawa pengawa dagang tu dipejalai nyadi iya ulih ngemansangka industri pengawa dagang menua pesisir kelimpah nyadi penyungkak ngagai pengawa ekonomi sida ke besemak,” ku iya.
Nerang silik, Nanta madahka Program Mobilepreneur@ KKLW endang sebengkah inisiatif KKLW dikena mantu orang biak ngepunka pengawa dagang sereta nyendiaka motosial enggau perengka ke nadai ibuh nyuwa kedai enggau kereban dikena sida bejalaika dagang diri.
Ambika chunto servis beguntin enggau ngaduka buk, Nanta madah program nya ulih mantu pesereta bejalaika servis sida enggau puku ti enda mayuh tang meri asil ke besai.
“Pesereta ulih bejalaika servis sida ari rumah ke rumah penguna bepelasarka konsep tu dipeda muntang agi sereta jampat dibanding enggau palan dagang ke dibuka ba kedai, ku iya seraya madah bisi 13 servis disedia nengah program nya.
Tu nyengkaum servis automotif, motosikal, elektrikal, aircorn, bejait, beguntin eng- gau ngaduka buk, ngaduka begunan, ngaduka paip, fotografi, welding, komputer, elektronik sereta spa enggau pemajik gamal.