Abg Jo udah dichiri nyadi Pro Canselor UNIMAS
KUCHING: Program pelajar rampa menua meseti diperansang chakah agi ba nembiak sekula ngambi tau mantu pengawa perintah ngintu enggau ngenan pemaik rampa menua.
Sapit Kepala Menteri, Datuk Amar Awang Tengah Ali Hassan madah perintah sigi keran nentuka rampa menua diintu enggau manah.
“Perintah nengeri bisi ngadu kerejasama enggau Perintah Republik Indonesia (Kalimantan), Perintah Negara Brunei Darussalam, Perintah Sabah numbuhka Heart of Borneo (HoB).
‘Kitai mega udah setuju nambah pemesai kandang bungkur HoB nyentuk ngagai 2.5 juta hektar,”ku iya ba pengerami nyuaka Anugerah Rakan Alam Sekitar(SERASI) 2016-2017 di seiti hotel ditu, kemari.
Awang Tengah datai ngarika Kepala Menteri Datuk Patinggi Abang Joharui Tun Openg.
Kelimpah ari nya ku Awang Tengah nambah, Perintah nagit ulih ngizit 1 juta hektar tanah nyadi kandang endur ke diintu maya manggai ba taun 2020 ke alai diatu penyampau ke udah diggizit ba ikas 900,000 hektar tanah.
“Pelajar rampa menua nyadi seiti chara perintah ngintu pemaik rampa menua.
“Aku ngelalau kompeni sereta ijinsi korporat di nengeri tu ngambi sekula ti bisi Kelab Pencinta Alam Sekitar (PALS) nyadi anak iru lalu nyendia belanja dikena raban kelab ngadu pengawa ke bekaul engagu rampa menua.
“Aku mega ngelalau bala Yang Berhormat ngaul diri ba program tu lalu meri agih belanja ngagai Kelab PALS di sitak diri,’ku iya.
Bela datai Menteri Muda Kandang Mengeri, Tanah enggau Rampa Menua Datu Len Lalif Salleh, Sekretari Mendam Opis Menteri Pemansang Mengeri enggau Pengeraja Asal, Dr Wan Lizozman Wan Omar, Kontroller Lembaga Pengeraja Asal enggau Rampa Menua Peter Sawal sereta Manager Besai Shell MDS Sdn Bhd, Tom Wong. KOTA SAMARAHAN: Lumur enam baka ke mai tuah ngagai Datuk Patinggi Abang Johari Tun Openg, laban keterubah nya, iya bediri ngarika Barisan Nasional (BN) di Satok, N6 lalu dituduh mangku pengawa nyadi Kepala Menteri Sarawak ke-6 dalam umur iya 66 taun.
Dalam umur iya 26 taun, Abang Johari keterubah iya, nyadi orang politik (1977), lalu ukai semina nya aja, laban kerita Perintah ke dikena iya pan, ngena lumur plet SG6.
Kemari, ba atur pengawa Konvokesyen Universiti Malaysia Sarawak (UNIMAS) ke-21 kemari, Abang Johari dituduh mangku pengawa nyadi Pro Canselor UNIMAS, nganti niang Pehin Tan Sri Adenan Satem, Kepala Menteri ke-5 ke midang pun taun tu tadi.
Nama Abang Johari seruran disebut kenyau ari Pehin Sri Abdul Taib Mahmud (diatu mangku pengawa Tuai Pemegai Menua, Tuan Yang Terutama Gabenor Sarawak) madahka diri deka ngetu nyadi Kepala Menteri. Mayuh ke ngumbai Abang Johari ke nganti Taib, tang parti (Parti Pesaka Bumiputera Bersatu tauka PBB) milih niang Pehin Tan Sri Adenan Satem.
Nyadi seiku orang ke seruran begulai enggau parti, Abang Johari nerima pemutus parti , lalu tetap majakka sukung iya ngagai tuai pemesai parti nyengkaum ‘Tok Nan’, sereta nadai ngembuai ati ke pedis tauka ringat.
Tu tanda iya (Kesetiaan) ngagai parti sereta penemu iya ke besai nyadi tuai emesai politik ke udah di uji jeman.
Nyau pengujung udah nya, Abang Johari dituduh mangku pengawa nyadi Sapit Kepala Menteri, kena bulan Mei 2016, lalu tuduh pangku pengawa nya, bepelasarka iya nyadi tuai pemesai ke pengabis kanan dalam parti, iya nya nyadi Sapit Presiden PBB, parti tulang belakang BN Menua.
Abang Johari ke ada ba ruang bilik ke endang orang politik, di mata rayat Sarawak, iya negmbuan ulah ke ngelantangka mensia mayuh laban iya bansa orang ken emu enggau orang baik nya orang mengeri tauka kampung, laban asal iya sigi berumah di genturung pendau Melayu.
Iya seruran betatika pemerat rayat, semua bansa etnik tauka pengarap, deka di (lay- an or attended to) sama rata, nadai milih bulu, ku iya.
Pengarap sereta peneka rayat Sarawak diatu, iya nya Abang Johari ngembuan penerit, pintar sereta komitmen deka majakka pengawa Tok Nan suba.
“Tu nyadi agenda besai ke kala digaga di menua tu ke deka ngubah nasit sereta gaya jemah ila rayat mayuh macham pupu bansa nyengkaum di menua pesisir,” ku UNIMAS.