Jacqueline David dikeandal ngiring KDJA ke penggal 2017-2019

KUCHING: Pemangku chairman Gerempung Pengarang Berita Pelilih Menua Kuching (KDJA), Jacqueline David dipilih nyadi chairman baru gerempung tu ke penggal 2017-2019, lebuh KDJA ngaga Aum Besai Dua Taun Sekali (AGM) gerempung tu ujung minggu nyin tadi.

Jacqueline ngambi penuduk ari ex- chairman sebedau tu, Jason Yong ke semina mangku pengawa nya dalam kandang setaun aja.

Exco gerempung sebedau tu, Edmund Chang Lee Fong dipilih nyadi mandal chairman lalu ditangkanka Firdaus Arasy Idris (Sekretari),ke dibantu Daryl Law (sapit Sekretari).

Ba atur pengawa nya mega, penuduk tukang wang mengkang ditanka Anasathia Jenis ke dibantu sapit baru, Zulazhar Sheblee.

Raban eksco bukai ke kena pilihiy iya nya Johnlister Chan, Jeeridyne Chan, Frankie Junau, Chung Siaw Yan, Noraida Kassim, Chin Kah Joo, Bong Yi Sien, Siaw Pei Siok, Mohd Shadiqin Mohd Bahrin enggau Adib Othman.

Ba pengawa Auditor, exchairman KDJA Alice Wee dipilih mangku pangku pengawa nya.

KDJA ke ditumbuhka dalamtaun 70-an, ngembuan 380 kaban, ditumbuhka beratika pengelantang pendiau pengarang berita di pelilih menua Kuching nyengkaum ngemanahka agi pengawa media di pelilih menua tu.

Entara pengawa ke suah udah digaga ulih gerempung tu nyengkaum lumba enggau main ke digaga ninting taun enggau MLNG/ Petronas, lumba enggau main ke diatur bekerejasama enggau ejensi perintah, parti politik sereta korporat, malam media begulai enggau ejensi perintah enggau korporat, licha sereta ke baru tu tadi iku kaban KDJA ngaul pengarang berita ari Semenanjung Malaysia ngagai Berlin/Stuttgart/Muncih di menua Jerman ke betuaika Jacqueline empu.