Wong Ching Yong dichiri nyadi Chairman SUPP Pampang Dudong
SIBU: Chairman Parti Sa’ati Rayat Sarawak (SUPP) Pampang Dudong Wong Ching Yong ngarapka ulih gawa semak agi enggau empat bengkah pati parti nya ke bukai di Sibu ditu.
Wong ke baru dichiri megai pangku pengawa nyadi Chairman pampang parti nya ungkup taun 2018-2020.
Taja pan baka nya ku iya, iya lebih agi ngarap ngembuan kaul ke manah begulai enggau pampang SUPP Bukit Assek dikena ngemujurka agi pejalai politik parti nya di Sibu.
“Kebuah pia laban Pampang Dudong enggau Pampang Bukit Assek bela bekunsika Parlimen Lanang.
“Tang taja pan baka nya, aku deka bekempit enggau semua pampang SUPP di Sibu ditu,” pia ku iya maya aum media ditu, kemari.
Ba rintai baru tu, Datuk Dr Soon Choon Teck, Datuk David Teng Lung Chii, Wong Chih Yong, Liew Kian Yut, Kong Sheau Hon enggau Penghulu Philip Kayak nyadi Chairman Dipebasa SUPP Pampang Dudong.
Pengawa nyadi Sapit Chairman dipegai Kelvin Kong Sien Chiu lalu Ling Hung King, Kaunsilor Ladong Engkol, Liew Kwan Hua enggau Kaunsilor Kong Yii Tee nyadi mandal.
Sekretari iya nya Kong Sing Ping disaup Dr Wong Chya Wei, Kaunsilor Frederick Taip Ledom enggau Kaunsilor Christopher Ugot Nyaring nyadi pemantu.
Daniel Sng Wei Siong dipilih nyadi Tukang Wang lalu Kong Fwa Ping nyadi sapit iya.
Chairman raban nembiak enggau chairperson raban indu iya nya Benjamin Tian Chung Huat enggau Keu Siew Kee.
Ba unit Bumiputera, ExPengulu Enyang Menchol, TR Kemarau Agat, Penghulu Philip Kayak dipilih nyadi penyanding penemu.
Ladong Engkol dipilih nyadi chairman lalu Frederick Taip Ledom nyadi sapit iya.
William Anut dipilih nyadi Sekretari enggau Peter Pengabang Jakop nyadi sapit.
Kunsilor Christopher Ugot enggau Paing Tawi nyadi Tukang Wang enggau sapit Tukang Wang.
Kemari mega, pampang parti tu bisi nyuaka geran ngagai 28 bengkah Komiti Pengelikun enggau Pemansang Rumah Panjai (JKKK) enggau gerempung.