S’wak deka minta lebih ari 10 % ba asil chukai dagang temuai
KUCHING: Sarawak nengah Opis Menteri Dagang Temuai, Seni, Main Asal, Nembiak Lumba enggau Main deka nguji minta diperunding nambahka penyampau ungkup asil chukai dagang temuai menua.
Menteri nya, Datuk Abdul Karim Rahman Hamzah madah, baka ke udah dipesetuju sereta dipadah nengeri deka diungkupka 10 peratus asil chukai dagang temuai menua ke digumpul.
“Taja pia, kitai deka nguji minta ungkup lebih ari penyampau nya ari perintah besai,” ku iya lebuh ke nyaut tanya ari Wong Kee Woan (DAP-Pelawan).
Iya nyaut nya maya nyimpul jurai Opis Menteri Opis Menteri Dagang Temuai, Seni, Main Asal, Nembiak Lumba enggau Main nyerumba hari keenam aum kedua penggal kedua kunsil nengeri Sarawak ke18 ba Kompleks DUN ditu, kemari.
Nambahka nya, lebuh ke nyaut bekaul enggau atur pengawa ngelakuka produk dagang temuai nengeri tu, Karim madah taja pan nengeri enda agi nyereta Kunsil Dagang Temuai Malaysia, tang pengawa ngelakuka industri dagang temuai Malaysia nyerangkung Sarawak.
Iya madah, tanggungpengawa Kunsil Dagang Temuai Malaysia Malaysia endang ngelakuka dagang temuai semua nengeri.
Nambahka nya, iya madah- ka opis menteri sereta Kunsil Dagang Temuai Sarawak chakah ngelakuka produk dagang temuai nengeri tu empu.
“Tanggungpengawa Kunsil Dagang Temuai Malaysia Malaysia iya nya ngelakuka dagang temuai semua nengeri nyengkaum kitai (Sarawak) taja pan kitai enda agi nyereta kunsilnya.
“Kunsil Dagang Temuai Malaysia maya ngelakuka Malaysia di menua luar pan endang nyerangkung ngelakuka nengeri tu. Sarawak nadai enda dikeibuh bekaul enggau pengawa ngelakuka (produk dagang temuai).
“Lalu kitai mega nadai kala enda ibuhka dagang temuai nengeri tu nyengkaum Sibu bekaul enggau pengawa nge- lakuka produk industri, baka di Sibu kitai udah ngatur festival main asal enggau bisi ke bukai, lalu dagang temuai tu ukai semina baka Taman Negara, muzium tang mungkur pemakai, kereban enggau ke bukai,” ku iya lebuh ke nyaut tanya ari Chong Chieng Jen (DAP-Kota Sentosa) enggau Wong Kee Woan ( DAPPelawan).