Hari lumba enggau main pelasar pemadu manah ngerapitka kaul
SELANGAU: Pengawa ngatur hari lumba enggau main sekula nyadi pelasar pemadu manah dikena ngerapitka kaul entara apai indai enggau pengajar sekula.
Menteri ba Opis Menteri Besai Datuk Joseph Entulu Belaun madah, nya mega dikena ngedut kaul piak sekula enggau apai indai kelimpah betanyaka berita enggau pangan diri.
“Ba aku empu, aku sigi nyukung program Hari Lumba enggau Main baka tu diatur piak sekula.
“Kebuah pia nengah Hari Lumba enggau Main iya deka nyadi sebengkah ari atur pemadu manah ngedut kaul piak sekula enggau bala apai indai,” ku tandu iya.
Entulu berkata demikian ketika merasmikan Sukan Persatuan Ibu Bapa dan Guru (PIBG) Sekolah Kebangsaan (SK) Batu 36, Selangau kelmarin.
Entulu madah munyi nya seraya ngelalau apai indai lebih agi ba menua pesisir patut bejalaika tanggungpengawa nentuka penyulut akademik bala anak sida.
Nitihku iya, pengawa nya patut dipandangka nengah peransang jaku ke ulih ngemanahka agi pemutus pelajar bala anak.
Lumba PIBG SK Batu 36, Selangau udah diatur pengelama tiga hari berenglah 16 ngagai 18 November lalu dirichahka enggau mayuh aktiviti lumba enggau ke bukai.
Entara nya baka sukaneka, pekit main bol enggau main takraw, pekit Kumang enggau Keling kategori nembiak sereta pekit karaoke.
Ba pengerami nya, Entulu ke mega Kaban Parlimen Selangau bisi ngungkupka urung RM12,550 ngagai piak sekula.
Sama bisi datai Sekretari Politik Menteri ba Opis Menteri Besai Adriana Chumang Nyambong, pengari Pemesai Opis Pelajar Pelilih Selangau Mathew Engkamat, pengari Pemesai Pelilih Selangau Siti Zaharah, Pemesai Penyambung Sekula ASP John Dicky enggau Kepala Pengajar SK Batu 36 Alas Rambli.