Program AYC Live@744 diatur dikena negapka nembiak ba ekonomi digital

KUCHING: Angkatan Zaman Mansang Sarawak (AZAM Sarawak) ngatur program Azam Youth Central (AYC) Live@744 dikena ngenegapka raban nembiak Sarawak dalam ekonomi digital.

Kaban Kaunsil AZAM Sarawak, Dominic Chuo madahka sida iya ngena chara nyampur tauka nyerakupka seni, aktiviti rekreasyen enggau program bukai dikena narit ati raban nembiak nengeri tu nyereta program nya.

“Juluk AZAM Sarawak iya nya seruran deka ngemajuka agenda pemansang perintah nengah pengawa ngenegapka mensia mayuh ngena penemu enggau bekunsi penerang.

“Forum enggau bengkel AYCLife@ B744 kemari mayuh ngenang pasal ekonomi digital ngena chara skop ke lebih besai kelimpah ari trend menua tu,” ku iya lebuh bejaku ba AYCLife@ B744, kemari.

Nitihku iya forum ‘Adapting to Change and Riding on Trends in the 4.0 Era’ nyadi medium penyedar ngagai ra- ban nembiak Sarawak nyikap diri dalam Trend 4.0.

Kelimpah ari nya, sesi randau ‘Ngopis Ngeteh’ diatur sereta mayuh isu dikerandauka ti bekaul enggau orang dagang seni ( artpreneurship), orang dagang teknologi (technopreneurship) enggau teknologi wang (fintech).

Ba sesi randau nya entara ke dikanggauka nyadi kurator TEDx@ Kenyalang Zaiwin Kassim; Pengasas PolicyStreet, Wilson Beh; pengari MaGIC Sarawak, Amirin Arysan enggau pengari HAUS Kuching, Ashweein Narayanan.

Lalu moderator AZAM Young Souls, Amanina Matali enggau Muhd Ammar Zafri Zainuddin.

AZAM Sarawak sebengkah gerempung ukai dikuasa perintah ( NGO) ti nyadi pengenap ngagai pengawa pemansang ti dipejalaika perintah nengeri.

AYCLive@744 mega keterubah iya diatur di luar AZAM Youth Central kenyau ari ditumbuhka ba taun 2013.

Volunteer nembiak ny- endiaka kerejasama penau raban biak Sarawak dalam bidang seni tanda, belagu, sukan ekstrim, seni visual, servis raban bansa enggau orang dagang.

Ba program nya, mensia mayuh bisi diperindang At Adau, Foxgloves, Soundholic dan Modern Dance UNIMAS enggau pengawa mandangka fesyen ari nembiak Limkokwing Borneo.

Entara aktiviti bukai ke bisi diatur baka jualan lambak pengawa ngayanka kereta enggau motosikal berkuasa tinggi, K-Wheel rider, pekit papan luncur enggau ke bukai.

AYCLive@Borneo744 ke diatur begulai enggau Borneo744 sereta MaGIC melabaka ulih matak urung 300 iku orang.

Sama bisi datai kemari, Ketua Pegawai Eksekutif AZAM Sarawak, Leila Sim Ah Hua, Pengurus Besar Borneo744 Syed Amierul Asyraf, pengari MaGIC Sarawak, Amirin Arysan enggau Pengarah Program AYCLive@Borneo744, Mohamad Wasli Ismail.