Komiti RS1 UPP nyuaka pemeri RM10,000 ngagai STRHC

SIBU: Komiti Pengatur Pemansang Sibu 1.0 (RS1) ari Parti Rakyat Bersatu (UPP) bisi ngenataika pemeri RM10,000 disempulang enggau 300 lambar baju- pandak ngagai Sarawak Tropical Rainforest Hash Club ( STRHC), apin lama ke udah.

Pemeri nya betuju dikena mantu kelab ngatur Pelanda Tropical Rainforest Ke-10 kena 16 Disember 2017 tu ba Kemuyang.

Program pelanda nya diatu udah manggai edisyen ke-10 lalu diatur ninting taun.

Pengawa belanda neresa kampung nya bisi dipasuk urung 300 pesereta ari serata Sarawak nyengkaum pesereta ari menua Brunei Darussalam.

Berebak enggau nya, pengawa nyuaka chek dipenyadika ketuai RS1 ke mega chalun ulih menang UPP ungkup sitak Parlimen Sibu Datuk Andrew Wong ba opis iya ditu.

Chairman pengatur program Michelle Wong bela nerima chek ngarika kelab.