Projek tu mungkur batang jalai 34 kilometer pemanjai ba Sg Sadit, Paradom, Sg Bidut, Empawah enggau Engkilo
SIBU: Projek ngemanah sereta melakin jalai ba Sungai Sadit, Paradom, Sungai Bidut, Empawah enggau Engkilo ke mungkur urung 34 kilometer batang jalai dipelaba tembu Januari taun baru.
Menteri Wang Kedua ke mega Kaban Kunsil Nengeri ( ADUN) Bawang Assan Dato Sri Wong Soon Koh madah, projek ngemanah sereta melakin batang jalai nyengkaum jalai nuju rumah mensia mayuh ba tebing barat mengeri Sibu udah dipejalai bulan April tu tadi.
“Pengawa ngemanah sereta melakin jalai ba Sungai Sadit enggau Empawah udah tembu 100 peratus. Udah nya jalai ba Tanjung Kunyit, Paradom tembu 95 peratus, Jalai Ting Sing enggau Jalai Hock Ming di Sungai Bidut tembu 70 peratus lalu jalai ba Engkilo tembu 60 peratus.
“Semua jalai ba sitak DUN Bawang Assan dipelaba tembu abis bulan Januari taun baru,” ku iya maya ngabas pengawa ngemanah jalai ba tebing barat Sibu, kemari.
Sama bisi datai juruteknik Opis Kereja Raya (JKR) Sibu, Yong Sin Ho.
Wongke mega Menteri Dagang Entarabangsa enggau e-Pengawa Dagang madah, iya deka ngamatka semaya ba pengawa bepilih kunsil nengeri ( PRN) ke udah lalu deka ngemanah sereta melakin jalai ba sitak DUN Bawang Assan.
Maya PRN ke udah ku iya, iya besemaya ngagai peranak ditu deka ngemanah sereta melakin jalai nuju ngagai rumah rayat ba tebing barat mengeri Sibu.
“Pengudah pengawa bepilih besai, diatu kitai
Semua jalai ba sitak DUN Bawang Assan dipelaba tembu abis bulan Januari taun baru. Dato Sri Wong Soon Koh Menteri Wang Kedua
pulai baru lalu ngamatka semaya iya nya ngemanah enggau melakin jalai ungkup rayat.
“Nya alai, semua sitak peranak China ba DUN Bawang Assan deka dikemanah sereta dibelakin.