Pengawa meri Anugerah Penyulut Nembiak kelai basa ke semua piak

SARATOK: Pengawa meri Anugerah Penyulut Nembiak endang sebengkah ari pengawa ke manah dikena meri basa ngaku seretai ngelai penyulut ba bidang akademik enggau ko-kurikulum dikena sepanjai maya.

Pelobi Parti Demokratik Progresif ( PDP) Parlimen P205 Saratok, Basil Thomas madah, bidang pelajar endang pekara ke diguna bala anak kitai dikena ngerebut peluang nyapai penyulut.

“Pengawa meri anugerah nya mega nyadi kelai basa semua piak ngagai pemujur ke ngemegahka sida lalu udah dipandangka bala nembiak sepanjai taun.

“Nengah peransang baka tu, kitai mega ngarapka nembiak ulih mandangka pemutus ke lebih manah awakka sida nyadi chunto ngagai bala nembiak bukai dalam ngulihka pemujur jemah.

“Pengawa belajar endang atur ke nadai nemu badu ungkup bala nembiak, pelajar ke betul deka muka peluang ngambi ulih dijapai dudi hari, “ku iya.

Basil madah munyi nya rambau Pengerami Anugerah Penyulut Nembiak ba Sekula Primari (SK) Engkabang, ditu ensanus.

Pengerami nya diatur ba Dewan Sri Engkabang lalu bisi digulu urung 200 iku orang nyengkaum nembiak enggau apai indai nembiak.

Nitihku Basil, raban nembiak sekula patut suah diberi peransang laban pengidup menyana jemah ila endang datai ari ati diri empu.

Ku iya, penyebela pelajar enggau pekara bukai baka pengawa Aqauriium sereta pengawa ba luar kelas baka lumba enggau main begunaka amat dikena nyaut rider.

“Dikena ngamatka juluk nya, kerejasama semua mungkuan

“Ba pekara ke sebaka, kerejasama semua nyengkaum piak sekula, pelajar engggau apai indai beguna amat bro.

“Anang ngelempaika tanggungpengawa enggau penanggul nya ba bahu piak sekula aja.” ku tandu Basik.

Sama bjsi datai ba pengerami nya Kepala Pengajar SK Engkabang, Amin Sebeli enggau Chairman (YDP) Gerempung apai indai enggau Nembiak ( PIBG) SK Engkabang, Young Lewi.