SIB Long Lellang nerima pemeri ari Dr.Sheryl

MIRI: Gerija Sidang Injil Borneo (SIB) Long Lellang nerima pemeri kereban enggau perengka guna dapur ari Dr. Sheryl Mattu apin lama ke udah. Pemeri nya ungkup rumah Pastor SIB Penan, Pengaran Iman di Long Lellang.

Sekretari SIB Long Lel- lang, Herman Bail ke nerima pemeri ngarika gerija meri terima kasih enggau pengaga iya ngagai Dr. Sheryl ti udah gerah jari.

Ku iya, pemeri nya beguna endar ngagai komuniti SIB Penan maya gempuru mantar Krismas kena 2 enggau 3 Disember.

Antara pemeri baka storage box, rak tier, rak pinggai mangkuk, containers, colander, pails, penyapu, pinggai, mangkuk, mangkuk sup, cups, eating utensils, kitil, kali aluminium, periuk, sudu, pisau enggau ke bukai. SARIKEI: Sekula Sekondari (SMK) Tinggi udah dipadu nyadi pemenang ba pekit landskap kategori sekula perintah ke diatur Kaunsil Pelilih Sarikei (SDC) beserimbai enggau Festival Nenas enggau Buah Sarikei taun tu, Hari Lima tu tadi.

Penuduk lumur dua enggau tiga dipenggi Wong Nursery enggau Bulat Nursery seraya Sibu Municipal Council (SMC) enggau SMK St. Anthony Sarikei nerima perais pengaga ati.

Kelimpah ari setipikit, pemenang lumur satu, dua enggau tiga nerima perais mata duit RM6,000, RM4,000 enggau RM2,000 seraya dua pemenang sagu ati bela nerima RM500.

Ba kategori Individual, Wong Nee Lee, Nee Hie Nguok enggau Wong Yong Wei dipadu menang ba penuduk kesatu, kedua enggau ketiga lalu pulai ngemai RM300, RM200 enggau RM100 seraya Wong Kiong Seng, Wong Sie Liong, Wong Chin Tong enggau Yip Bao Shin menang perais sagu ati nerima RM50 siku.

Sekretari SDC Henry Jalin Watt, Chairman Pengatur Kaunsilor Gilbert Wong enggau Ketuai Akim Pekit Kaunsilor Mokshien Affendi udah dipebasa nyuaka perais ngagai bala pemenang ba sebengkah pengerami ke diatur di Taman Tasik ditu.

Chairperson SDC, Wong Zee Yeng ti dikangau datai bejadika pengerami nyuaka perais nya madahka batang tuju atur pekit dikena ngelakuka pengawa ngelagu rampa menua sereta nyediaka pelasar ngagai mensia mayuh bekunsi sereta belajarka penemu enggau seni landskap.

Kelimpah ari nya, tuju bukai nerakka asai ngempu, angkun enggau tanggungpen- gawa ba rampa menua ngagai mensia mayuh ke alai ulih bela gawa ngintu flora enggau fauna kitai, ku iya nambah.

Nerima timbal chukup manah ari mensia mayuh, SDC merambu deka ngatur pekit ke sama dalam taun baru, ku iya, ngarapk aiya deka dikemeran nyadi pengerami ninting taun SDC mega.

NYADIKA PERANSANG : Mokshien (lima kiba) nyuaka perais ngagai pemenang kategori individual seraya dikemataka Zee Yeng (empat kiba), Henry (empat kanan), Gilbert (dua kanan) enggau bala bukai.

MENANG : Henry (lima kanan) nyuaka perais ngagai pengari SMK Tinggi seraya dikemataka Zee Yeng (tiga kiba), Gilbert (empat kanan), Mohshien (dua kanan) enggau bala bukai.