Plaintif ke mega kaban SUPP mujur ngenukuka rumah kedai (reta) nya diempu parti

SIBU: Kort Tinggi ditu kemari mutuska tiga unit rumah kedai di Jalai Kampung Datu diempu Parti Sa’ati Rayat Sarawak (SUPP).

Komisioner Akim Dean Wayne Daly lebuh ngaga pemutus nya madahka bala plaintif ke mega kaban SUPP udah mujur ngenukuka rumah kedai nya diempu parti.

“Reta (rumah kedai) tu dipegai bala defendan (Twinswood Sdn Bhd) nitihka pengarap ti diberi SUPP,” ku iya.

Reta tu diatu bisi diuan lima pampang SUPP iaitu Bukit Assek, Bawang Assan, Dudong, Pelawan enggau Nangka.

Kelimpah ari merintahka reta nya dipindah ngagai SUPP, Dean mega ngerah Twinswood mayar ungkus luyar penyampau RM100,000.

Kort mega nulak semua timbal peminta ti dibantaika Twinswood ke nyadi raban defendan dalam kes tu.

Plaintif dalam kes tu iya nya tiga ketuai SUPP Datuk Dr Sim Kui Hian, Dato Sebastian Ting Chiew Yew enggau Ding

Reta (rumah kedai) tu dipegai bala defendan ( Twinswood Sdn Bhd) nitihka pengarap ti diberi SUPP. Dean Wayne Daly Komisioner Akim Dean

Kuong Hiing.

SUPP diarika Luyar Sunny Si, Andin Linton, Tonny Hii enggau Laura Kong lalu George Lo, Jonathan Tay enggau Carole Ngu ngarika Twinswood.

Sama bisi datai ba kort iya nya Chairman SUPP Bukit Assek, Chieng Buong Toon, Robert Lau Hui Yew (Bawang Assan), Clarence Ting (Pelawan) sereta lebih 20 iku kaban SUPP. Siku ari pemegai saham Twinswood, Penghulu Siek King Kuong mega bisi datai.

Kena 8 Disember taun nyin tadi, Kort Apil di Kuching sepenemu ngemendarka apil Twinswood ba pengawa ngakim ingkar ti diambi tiga ketuai tetinggi SUPP bekaul enggau pengempu tiga unit rumah kedai di Kampung Datu.

Twinswood ngapil ba pemutus Kort Tinggi Sibu kena 11 Mac taun nyin tadi, pengudah kort nulak peminta kompeni nya awak nejuka pengawa ngakim ingkar enggau ungkus RM5,000.

Kena 24 Ogos 2015, Kort Tinggi Kuching merintahka ketetiga unit rumah kedai di Jalai Kampung Datu nya dipindah ngagai SUPP.

Tiga unit rumah kedai di Jalai Kampung Datu nya direjista atas nama sebuah kompeni iya nya Twinswood Sdn Bhd, enggau 50 pemegai saham kenyau ari taun 1988.

Pemegai saham tu iya nya kaban SUPP sebedau tu. SUPP ngaga saman dikena nuntut reta nya ari Twinswood maua ngintu genap taun SUPP kena 2 Jun 2015.