Urung 1,145 buah sekula ditu nerima kereban bacha kenyau 2014 dikena nerenak pengerindu macha
KUCHING:NengahProgram Sekula Iru ‘iM Sarawak’, inisiatif pemansang rama diiring Kaunsil Penyanding Penemu 1Malaysia, iM Sarawak, urung 1,145 buah sekula ba serata nengeri tu nerima kereban bacha kenyau 2014 dikena nerenak pengerindu macha ba raban nembiak sekula.
Chairman Kaunsil Penyanding Penemu 1Malaysia Sarawak Datuk Joseph Salang Gandum madah, iM Sarawak pechaya pelajar ke menyan ulih nyamin kualiti pengidup sesiku orang lalu bekau ari nya, iM Sarawak bejalaika mayuh inisiatif pelajat ungkup sekula ba menua pesisir enggau ulu sungai.
Ku iya, inisiatif keterubah dipejalai iya nya Program Sekula Iru iM Sarawak, projek pemungkal Programme iM Sarawak bepun 2014 nengah kerejasama Opis Pelajar Sarawak ke mungkur 1,145 buah sekula.
Kereban bacha ke disedia nyengkaum bup cherita, bup malin, bup latih belajar sereta kamus lalu program tu mungkur manggai 80 peratus sekula
Aku muji pengeransing bala pengajar ke udah nguna bup nya dikena meransang bala nembiak sida rinduka pengawa macha. Datuk Joseph Salang Gandum Chairman Kaunsil Penyanding Penemu 1Malaysia Sarawak
primari enggau sekondari ba serata Sarawak.
“Nengah penemuai beselang, kami tetemuka bup ke udah disedia nya nerima sambut ke chukup manah ari raban pengajar enggau nembiak.
“Aku muji pengeransing bala pengajar ke udah nguna bup nya dikena meransang bala nembiak sida rinduka pengawa macha,” ku iya ke mega Kaban Parlimen Julau nengah penerang dipansutka iM Sarawak ditu, kemari.
“Sekula ke nyereta Program iM Sarawak udah nguna enggau manah kereban bacha ke udah disedia ngagai sida.
“Aku berasai gaga ati enggau penyulut ke udah dijapai, taja bantu ke diberi nya enda besai sereta asil peransang ke nadai nemu leju.
“Aku pechaya bup kami deka terus nyadi kereban bacha ke digiga dikena ngulihka penemu lalu meri pengaga ngagai raban nembiak ke deka nyambung pelajar ba sekula ke bekaul,” ku iya. — Bernama