Urung 36,524 OKU ngasaika pemedis nyema PDK ba nengeri tu dipinta nitihka atur ROS
MUKAH: Urung 36,524 iku orang nyelai pendiau (OKU) deka ngasaika pemedis nyema Palan Pengintu Dalam Komuniti (PDK) di Sarawak dipinta berejister enggau Opis Pengerejista Gerempung.
Menteri Pengintu Pengelantang Pendiau Komuniti, Orang Indu enggau Pamansang Anak Mit Dato Sri Fatimah Abdullah madah, pekara nya deka meri pangka besai ngagai raban OKU ke diatu meri pemaik ngagai 51 PDK ba serara nengeri.
“Kitai minta dikelaung laban ba konteks Sarawak, iya (berejister enggau OS) ukai pekara ke muntang,” ku iya madah ngagai Utusan Borneo pengudah pengerami Sejambak Kasih Krismas ba Stadium Perpaduan Dalat, kemari.
Pekara nya dikenangi ngujungka semua PDK di nengeri tu tejanggal lalu iya ke pemadu berupai iya nya ngagai raban OKU laban ukai semua tauka sekeda aja PDK ba nengeri tu ulih nitihka atur ROS.
Pekara nya, ku Fatimah, udah dikerandau ba renggat kabinet lalu udah dipesetuju ngambika dikelaung ari berejister.
Nerang silik, iya madah gerah tauka notis ari Opis Pemansang Orang Nyelai Pendiau (JPOKU) nengah Opis Pengintu Pengelantang Pendiau Raban Bansa Malaysia ( JKMM) minta semua PDK berejister ba ROS sebedau tauka kena 31 Disember ila.
Sebedau tu, penumbuh genap PDK semina dikemendar tauka direjister enggau JPOKU nengah JKMM.
“Dikena mutar nya, kitai minta semua PDK Sarawak dikemendar dibuka nengah chara alternatif,”kuiya.
Tu ku iya, ulih dipejalaika nengah penumbuh PDK besai ke berejister ba ROS lalu udah nya PDK bukai semina patut berejister enggay PDK besai.
“PDK endang palan ungkup raban OKU ngulihka pengelandik, belajar ngatika kediri lalu semua utai ulih digaga dia, kitai semina ngerunding pemerat tu,” ku iya.
Fatimah enggai meda PDK enda ulih nitihka atur sereta pemendar ROS lalu ditutup pia aja.
“Nyema sesebengkah PDK nya dikinsil (nyema enda nitihka atur berejister ba ROS) nyadi petang mih pengidup raban OKU ti bepanggai ngagai PDK,” ku iya. KABONG: Kaban Kunsil Nengeri ( ADUN) N40 Kabong Mohd Chee Kadir dipilih nyadi Ketuai Pampang Parti Pesaka Bumiputera Bersatu (PBB) N40 Kabong lebuh maya baum kaban PBB N40 Kabong nyerumba Aum Delegit Tiga Taun Sekali PBB N40 Kabong ba Dewan Polis Kabong.
Ungkup penuduk Sapit Ketuai Pampang, Kaunsilor (Kr) Alwi Sepali menang nadai orang ngelaban.
Penuduk Mandal Ketuai dipenggi Roslan Bujang pengudah ngalahka Kr Rabaiee Sabki enggau Kr Kanchil Andong.
Penuduk Ketuai Indu PBB Kabong dipenggi Loha Idi udah nya Normah Ahmadi dipadu nyadi sapit iya.
Ba aum nya, ketuai pampang ke dipadu baru nyadi sekretari iya nya Senen Wang.
Urung 19 kaban komiti dipilih ngarika genap pating PBB N40 Kabong.
Ba jaku iya, Mohd Chee ngarapka ketuai ti baru dipilih patut bejalaika pengawa engggau manah.
“Ngagai sida ke nadai dipilih, kitai ngarapka sida terus mantu parti, anang asa lalu anang ‘muai batu’ ngagai parti.
“Teruska pengawa dikena nyukung parti enggau ketuai PBB ke pemaik parti ke nendang udah lama ngiring Sarawak.
“Tegapka pengering partu laban penyerakup deka mai ubak ke positif,” ku iya.
Bela bisi datai ba aum nya Mandal Dipebasa Parti PBB Datuk Abdul Wahab Aziz ke mega ADUN N38 Kalaka.
Kitai minta dikelaung laban ba konteks Sarawak, iya (berejister enggau OS) ukai pekara ke muntang. Dato Sri Fatimah Abdullah Menteri Pengintu Pengelantang Pendiau Komuniti, Orang Indu enggau Pamansang Anak Mit Dato Sri Fatimah Abdullah