RS1 nya pelin pemansang ti mantaika peneka peranak Sibu ungkup timpuh 5 taun berengkah ari taun 2018-2023
MIRI: Berindik ari gaya hari enda tentu meruan ke diatu, mensia mayuh ke diau ba kandang menua ke baruh lalu suah ampuh patut bejejaga ba tikas ai ke niki.
Kaban Parlimen ( MP) Sibuti Datuk Ahmad Lai Bujang madah, endang patut bejejaga ngambika ulih nyeliahka barang sida rusak ketegal ampuh bah.
“Bisi sekeda kandang menua baruh ba sitak parlimen Sibuti suah ampuh lalu kami ngarapka peranak dia seruran bejejaga ba pekara tu,” ku iya madah ngagai Borneo Post kemari.
Kena 15 Disember tu tadi, Opis Ngemataka Gaya Hari Malaysia udah ngeluarka jaku tangkan ujan bangat sereta mega kabut deka mangka kandang menua Limbang enggau Miri dataika Hari Tiga (sehari tu).
Iya mega ngelalau semua peranak kelebih agi ke diau ba tebing sungai enggau tebing tasik seruran nyaga pengelikun diri ba penyadi asal menua tu.
“Bah enggau kabut deka ngerusak reta tengkira, nya alai mensia mayuh patut beratika sebarang gerah nyema sida diasuh mindah ngagai kandang endura ke likun agi,” ku iya nerang.
Berebak enggau nya, mensia mayuh mega dilalau nitihka atur jalai sereta bejejimat maya deriba lebuh hari ke enda manah nyema sida mulaika diri ke menua nyerumba pengerami Krismas.
Nitih ku iya, pengawa ngaga jalai besai Pan Borneo benung dipejalai lalu dipelaba jalai seruran sekut.
“Sida ke deriba meseti nitihka undang-undang jalai alun ngambika pejalai trafik lanchar lalu anang enda ngira gaya hari mega, perambu pejalai kita memanah, anang berumban laban tau ngeruga pengelikun nyawa kita,” ku iya.
“Kita mega patut nentuka entuka seruran manah sereta chukup awak endur ngenatka diri sebedau mindah,” ku iya. SIBU: Tim Rancangan Sibu 1 (RS1) deka madah ngagai perintah besai pasal peneka peranak di Sibu dalam kandang lima taun ti deka datai, ari taun 2018 nyentuk 2023, pia ku chairman tim nya, Dato Andrew Wong.
Iya beratika agi tubah projek infrastruktur ti patut dipejalai ungkup peranak Sibu.
Ku iya, Sibu agi kurang ba bekal perengka guna, lampu jalai enggau ke bukai.
“Kitai meseti bisi siti pelin. Nya kebuah kitai bisi RS1,” ku iya bejaku ba mua bala pesereta program komuniti ke diatur di sebuaah restoran ditu, apin lama ke udah.
Program nya udah digulu 300 iku peranak ari Nanga Tutus, Sungai Sebedil enggau Sungai Langup.
Sama bisi datai Temeng- gong Stanley Gramong, Pemancha James Semilan, Penghulu Jeffery Sut, Penghulu Richard Ampi, Penghulu Evelyn Holly Sebom enggau Sapit Chairman Tim RS1, Andrew Shilling.
Nitih ku Wong, RS1 sebaka enggau Pelin Malaysia.
Kitai meseti bisi siti pelin. Nya kebuah kitai bisi RS1. Dato Andrew Wong Chairman Tim Rancangan Sibu 1
Ku iya, kitai patut madahka ngagai sida ( perintah) tu peminta enggau peneka kitai.
Iya mega bisi nyebut RS1 iya nya pelin pemansang lima taun ungkup kandang menua pesisir enggau mengeri di Sibu.
Berebak enggau nya, ku Andrew Shilling, kandang menua Sungai Sebedil udah nerima projek pemansang beungkus RM2.8 juta berengkah ari taun 2015 nyentuk ke taun tu, kelebih agi ba projek jalai.
“Tu enda nyengkaum bekal kuasa karan eng- gau projek jalai Tanjung Kibong, Tutus, Sebedil enggau Kampung Bungan Kecil ti deka dipejalai ngena belanja penyampau RM100 juta dalam Atur Pemansang Malaysia Lumpar Ke- 11 (RMK11).
“Pengawa ngaga projek balai komuniti Sebedil udah dipejalai nguna belanja RM500,000. Semua tu bepe- lasarka pengeran pengari rayat di menua tu, iya nya Dato Sri Wong Soon Koh,” ku iya madah nyemetak.
Ngenang pasal kandang menua Nanga Tutus, ku An- drew Shilling, RM1.8 juta udah dikemendarka pengari rayat dikena bejalaika projek pemansang ba kandang menua nya kenyau ari tiga taun ke udah.