Penerebai AA Shenzhen-Kuching muka awak dagang temuai Nengah penerebai terus tu deka ngepunka mayuh agi penerebai ari menua luar ke Sarawak ti nyungkak ekonomi menua
KUCHING: Penerebai terus AirAsia (AA) ari Shenzhen, China ke Kuching deka ngepunka mayuh agi penerebai ari menua nya ke Sarawak.
Menteri Muda Dagang Temuai, Seni enggau Main Asal Datuk Lee Kim Shin madahka, nya deka meransang mayuh agi kompeni penerebai bukai dalam inisiatif sama ti tentu meri pengelantang ngagai orang tambang sereta enda ibuh singgah ba padang bilun bukai.
“Kitai ngarapka penerebai terus tu iya nya Shenzhen-Kuching deka ngepun lebih mayuh agi penerebai ke Sarawak jemah ila.
“Ke penerang semua, kitai mega benung nempa kerejasama enggau kompeni AirAsia mansik peluang endur bejalaika dua agi penerebai ari mengeri di China taun baru,”
Kitai ngarapka penerebai terus tu iya nya Shenzhen-Kuching deka ngepun lebih mayuh agi penerebai ke Sarawak jemah ila. Datuk Lee Kim Shin Menteri Muda Dagang Temuai, Seni enggau Main Asal
ku iya.
Iya mansutka pekara nya dalam aum pengarang berita pengudah nyambut penatai orang tambang penerebai AirAsia ari Shenzhen, China ti keterubah ke Kuching, ti digulu Sapit Konsulat Jeneral China di Kuching, Zhang Yang enggau Pengerusi Lembaga Pelancongan Sarawak (STB) Datuk Abdul Wahab Aziz ba Padang Bilin Antarabansa Kuching (LTAK)ditu, kemari.
Bejaku baru Lee madahka kelimpah ari nya dikearapka lebih mayuh kompeni penerebai bukai sama mansik Sarawak nyadi palan baru penerebai sida.
Ku iya, kelimpah ari kompeni penerebai menua tu empu opis menteri mega bisi perambu enggau kompeni penerebai di China dalam inisiatif ke sama iya nya penerebai terus ke nengeri tu.
“Sarawak iya nya palan dagang temuai baru lebih agi ba bala orang dagang ari China laban mayuh entara orang dagang ari menua nyin enda nemu pasal Sarawak.
“Shenzhen ukai semina mengeri moden tang palan dagang tebilang di China, nya alai kitai ngasaika Shenzen bisi peluang pemadu besai.
“Kitai ngarapka enggau penerebai tu, kitai meransang ukai semina dagang temuai tang mayuh agi orang dagang ari china datai meranakka puku ke Sarawak,” ku iya.
Ngenang silik pasala penerebai terus Shenzhen-Kuch- ing, Lee madahka, nya ukai semina pekara ngelimat jam orang tambang tang mega pengelantang ke alai sida enda ibuh singgah ba padang bilun ke bukai.
Nambahka nya ku iya diatu orang tambang ari Shenzhen enda ibuh ke Hong Kong dikena ngambi penerebai terus ke Sarawak, berindik ari bisi penerebai terus Shenzhen-Kuching.
“KItai ngarapka penerebai terus tiap hari ari Shenzhen tu deka tetap jemah ila.
“Kitai beterima kasih ngagai kompeni penerebai AirAsia ketegal kerejasama tu pia mega Pihak Berkuasa Penerbangan awam China, ti ngemendarka penerebai tu,” ku iya.
Iya mega meri terima kasih ngagai kededua piak dagang temuai ari China enggau Sarawak, ti nyukung inisiatif dalam pengawa ngenyakahka agi industri dagang temuai.
Ku iya nyentuk diatu penerebai Shanzhen-Kuching udah nerima peminta tumu nyentuk bulan Mac 2018.