KDC deka neritka atur pemeresi agu di palan bedagang pemakai
KAPIT: Kaunsil Pelilih Kapit (KDC) deka neritka atur pemeresi agu di semua palan bedagang pemakai berengkah ari 1 Januari 2018 tu.
Ba pengujung taun, dalam bulan Disember, pengempu palan bedagang pemakai tauka restoren ti enda nyapai Tikas Pemeresi Gred B ba kedai sida deka dikeluarka penalti maya ngemaruka lisin dagang sida.
“Tu atur pemeresi pemadu baru ba pengawa nyediaka pemakai ungkup mensia mayuh,” pia ku Chairman Serakup Pengempu Restoren enggau palan bedagang pemakai Kapit, Ma Tian Ho, pengudah nerima penemuai meri basa ari Penulung Pemesai Pengerai Mensia Mayuh enggau Rampa Menua Josephine Layang sereta Pemantau Pekara Pengerai, Paudi Badi, ari KDC ditu, apin lama ke udah.
“Pekara pemeresi tu patut endar diperati ba palan nyediaka pemakai enggau ai irup. KDC ngerembaika penerit atur ba Undang-Undang Pengerai Menua pasal kedai makai enggai ai irup, dikena nerenak sereta ngemeranka pengawa ngintu pengerai,” pia ku Ma Tian Ho.
Ku iya, raban Bekuasa Pengerai Menua deka meri gred tikas pemeresi enggau pengerai – A, B enggau C, nitihka gaya pengerai ngelama tu. Diatu iya nyengkaum agu mega.
Iya ngelalau semua kaban ser- akup nyengkaum sida ke bedagang di Kapit enggau Song ngemanah sereta ngangkatmanahka ulah ngintu pemeresi enggau pengerami nitihka Atur Pengerai Kaunsil Pelilih Menua.
Iya nangkan datai ba bulan Disember 2018, sida ti enda tejapaika gred pemadu minimum, Gred B, lisin dagang sida deka dikinsil.