Datai mih sampal ngulu program TN50 diatur kena 22 Jan 2018 ba IPG, Batu Lintang ditu
KUCHING: Kongres Serakup Pengereja Pengawa Opis Perintah (CUEPACS) nesau semua pengereja pengawa opis perintah lebih agi ke biak datai ngulu program TN50 ke diatur kena 22 Januari 2018, ditu.
Presiden CUEPACS, Datuk Azih Muda madahka nya peluang ngagai menis mayuh lebih agi raban biak ngenataika penemu sereta perambu ke pemanah jemah ila.
“Kami CUEPACS begulai enggau CUEPACS Negeri Sarawak (CNS) deka ngatur program Transformasi Nasional 50 (TN50) ungkup renggat Nengeri Sarawak kena 22 Januari ke deka datai tu ba IPG Batu Lintang, Kuching.
“Kami ngarapka tu ulih nyadi platform tauka pelasar ngagai pengereja pengawa opis perintah biak bakani sida ulih meri penemu, perambu tauka langkar baru dikena ngenukuka pemaik servis opis perintah ulih ditampung sereta meri servis ti pemadu manah ngagai rayat.
“Laban kitai nemu TN50 tu iya nya ubah ari nyadi menua mansang nuju menua maju ba taun 2020, lalu udah tentu aspirasi orang biak enda sama enggau aspirasi orang lama, nya alai kami enggai pengereja pengawa opis perintah biak tinggal ari semua tu,” ku iya.
Azih mansutka pekara nya dalam aum pengarang berita ke diatur ba Indu Opis Gerempung Pengajar Bumiputera Sarawak (KGBS) ditu, kemari.
Dulu ari nya iya meri pen-
Kami ngarapka tu ulih nyadi platform tauka pelasar ngagai pengereja pengawa opis perintah biak bakani sida ulih meri penemu, perambu tauka langkar baru dikena ngenukuka pemaik servis opis perintah ulih ditampung sereta meri servis ti pemadu manah ngagai rayat. Datuk Azih Muda Presiden CUEPACS
erang ngagai gerempung ke dibaruh CNS, ke sama bisi datai Chairman CNS Ahmad Malie enggau ke bukai.
Iya madahka TN50 peluang manah pengereja pengawa opis perintah ngambika sama ulih sama enggau mensia mayuh lebih agi orang biak, sektor peribit enggau ke bukai sama merambu nama pekara ke manah ungkup menua enggau rayat ke guna jemah ila.
Kelimpah ari nya bekaul enggau isu pengereja pengawa opis perintah ke diau ba kuaters di Putrajaya enggau Kuala Lumpur, iya madahka, isu nya udah mujur diputarka enggau manah.
Isu nya iya nya pengereja pengawa ke diau ba opis perintah di Wilayah Persekutauan nya lebuh betukar endur gawa sekalika betukar ngagai Kuala Lumpur tauka Putrajaya dianggap enda ulih diau ba kuarters sereta Bahagian Pengurusan Hartanah (BPH) udah ngeluar notis minta pansut ari kuarters nya kelimpah ari BPH ti minta penalti ngagai sida ke enda patut diau ba kuarters nya.
Taja pia ku iya CUEPACS udah berandau enggau Ketua Setiausaha Negara ( KSN) sereta sama bisi Ketua Pengarah Perkhidmatan Awam, Timabalan Ketua Pengarah Kanan Jabatan Perdana menteri enggau ke bukai, minta diperundingka pasal isu nya.
“Pengudah kitai meresa baru bisi pemutus ke pemadu beguna digaga pagi tadi (kemari) iya nya keterubah, perintah ngisil semua notis ke udah diberi ngagai sida ke diau ba kuarters ke dipadah enda ulih diau dia tang kebendar ulih diau ba kuarters laban 40 KM radius ari Putrajaya enggau Kuala Lumpur.
“Kedua, penalti ke dipinta BPH ngagai semua sida ti kena bungkur isu nya mega dikinsil automatik. Nya lain semua sida ti betugung enggau ke enda enggau betugung ba mua opis CUEPAC lebih 500 iku enda ibuh irau sereta patut beterima kasih ngagai perintah.
“Tu ukai semina meri penyamai ngagai sida ti kena penanggul tu tang mega nyadi perais nyambut taun baru 2018,” ku iya.