Kipli mujur nerima bantu ari program e-kasih
KUCHING: Pengudah tiga taun minta bantu nengah program e-kasih, Kipli anak Aji ba taun 2017 nerima bantu ngemanah rumah ari Opis Kunsil Kandang Padawan(MPP).
Dikerandau rambau pengawa nyuaka Projek Tembu: Ngemanah Rumah Buruk di Skim Pengentap Pendiau Desa Wira kemari, Kipli ,53, berasai gaga pengudah rumah iya tembu dikemanah ba bulan November tu tadi.
“Dua tiga taun ke udah aku ngenataika pinta bantu ngemanah rumah nengah program e- kasih nengah bantu tuai rumah ditu.
“Ke pengujung, pinta nya dikemendar lalu diatu atap, siling sereta dinding udah diganti.
“Suba enti maya ujan, rumah kami tiris ba mayuh endur lalu ngujungka siling enggau lantai suah basah lalu buruk,’ ku Kipli ke gawa nyadi mekanik ba seiti bingkil di Kuching.
Iya nambah pengawa ngemanah rumah sida sebilik nya berengkah ba bulan Julai 2017 lalu nguna agih belanja RM15,000.
Agih bekanja nya disedia Opis Menteri Pengelantang Mengeri, Berumah enggau Opis Kunsil(KPKT) ungkup Program Bantu Nge- manah Rumah Buruk.
Kipli ke mega seiku orang nyelai pendiau(OKU) diau begulai enggau bini iya(enda gawa) sereta tiga iku anak.
Pengawa nyuaka Projek Tembu:Ngemanah Rumah Buruk di Skim Pengentap Pendiau Desa kemari dikemujur ADUN Batu Kitang ke mega Chairman MPP Ir. Lo Khere Chiang.
Kelimpah Kipli, dua iku ketuai ruang bilik dalam genturung pendiau ke sama iya nya Jelia anak Unya enggau Jong Kiew Moi bela nerima bantu ke sama.
Ba pengawa nya, MPP ba taun 2017 ku Lo udah meri bantu berumah ngagai 23 ruang bilik ke ba ikas seranta sereta udah berijista dalam e-kasih.
‘ P e n y a m p a u RM344,493.04 agih bekanja ungkup ngemanah 23 buah rumah.
“Fasa 1, MPP nembuka 15 iti rumah kena 9 Jun 2017 lalu nguna belanja RM224,602.95.
“Fasa 2 mungkur 8 buah rumah ba penyampau RM119,890.09 lalu tembu kena 20 November 2017,’ku Lo seraya madah tetiap rumah diungkupka RM15,000.
Bela datai Sapit Chairman Datuk Ahmad Ibrahim.