Peranak Rh Margaret randaka pemansang di Machan ba taun 2018
Iya mega ngambi awak nya meri sukung ngagai JKKK Kampung Pulat laban ti udah mujur ngatur pekit futsal lalu ngarapka deka mayuh agi program sereta aktiviti ti sama bansa nya digaga ba taun baru.
Sama bisi datai iya nya Ketuai Komuniti Balingian Penghulu Shahdan Sahari enggau Ketuai Genturung Pendiau Harun Ulis ke mega Chairman JKKK Kampung Pulat.
Beserimbai enggau pengawa bejadi gelanggang futsal, JKKK Kampung Pulat mega bisi ngatur Pekit Futsal Tetutup ke udah digulu enam penyereta tim ari Kampung Pulat dia empu lalu empat tim ari kandang menua bukaiti udah besemekih ngerebut gelar champion pengelama dua hari berunggu. KUCHING: Komuniti Iban ke diau Rh Margaret Jara, Ng Mangut, Machan, Kanowit gagit endar ati nyambut Taun Baru 2018 sereta ngarapka pemerat peminta sida dalam kandang 2018-2020 ulih di keamatka, laban udah maya timpuh tu tiap iku komuniti Iban, enda ngira sida ke diau di rumah panjai tauka di mengeri bela sama deka mansang lalu enggai alah kena tinggal pemansang.
Penyanding Penemu rumah panjai nya, ti mega siku pemesai ari serakup Sarawak Dayak National Union ( SDNU), Anthony Banyan madahka rumah panjai sida iya di Ng Mangut tu seruran betatika pemansang ke benung digaga sereta deka digaga ulih Perintah dalam timpuh ke diatu.
“Beserimbai enggau taun baru tu, kami serumah meri Selamat Taun Baru ngagai bala mayuh kelebih agi ngagai semua kaban belayan ti jauh enggau semak, kelebih agi ngagai bala komiti JKKK Rh Margaret Jara, Ng Mangut, Machan, Kanowit,” ku Anthony.
Taun 2018 ke baru berengkah seharitu (1 Jan 2018), siti pekara ke berat endar sereta semak ngagai ati tiap iku komuniti Iban, iya nya, pengelandik, pemintar sereta pemandai anak Iban di serata menua tu, ke nadai agi kena tinggal pelajar tang semua betatika pelajar nya ke deka ngubah nasit sida iya.
“Ngarapka taun 2018 tu, mayuh agi bala graduet deka nambah ba tiap genturung pendiau kelebih agi di Rh Margaret ke enda agi betatika siku graduet ari tiap buah rumah panjai tang 25 iku tiap buah rumah panjai, ke bisi Diploma,Degree sebedau taun 2020.
“Nangkan nya mega, kami sekayu rumah tu mega arap endar minta bala rayat pegai rumah panjai tu, terus nemuai belama ke rumah panjai tu, ngambika ulih bekunsika penemu sida iya enggau sida ke mendam diau di rumah panjai. “Lalu pia mega, ngarapka perambu jalai menua pesisir ari Pasar Machan disambung ba taun 2018, kelebih agi pengarap ke besai endar ngagai Kaban Parlimen (MP)Kanowit Datuk Aaron Dagang, ADUN Machan, Allan Gramong sereta bala kaban JKKK rumah panjai t uterus begempung ‘segulai sejalai, sepenemu’ dalam semua atur pengawa nuju pemansang pelajar bala nembiak, penegut kaul diri serumah enggau pemansang penatai pemisi sereta pendiau pengidup diri serumah,” ku iya.