SUPP Dudong nyikap diri ngena teknologi digital napi Pengawa Bepilih Besai Ke-14
SIBU: Parti Saati Rayat Sarawak (SUPP) pampang Dudong ningkah perambu deka nyengulaika kelas ba sekula mikro tauka sekula ti mimit nembiak.
Chairman SUPP Dudong Wong Chih Yong madah, pekara nya deka ngenataika penanggul bukai lebih agi ba pengelantang nembiak belajar.
“Ukai semina nya, tu mega deka nating pengawa bala pengajar laban enti kelas disegulaika pelin ngajar mega meseti bisi dua iti ke enda sama.
“Pia mega, ambika banding enti kelas Taun 2 enggau Taun 3 disegulai, pengawa ngajar 30 minit sebedau tu deka dibagi ngagai dua (15 minit).
“Tu deka nanggul bala nembiak belajar anang agi baka sida ke endang enda tentu mujur sekula,” pia ku iya madah maya aum media ditu, kilah ensana.
Wong madah, sekula mimit nembiak tauka sekula mikro di Sibu baka SK Nanga Pak, SK Lubok Pelaie, SK Singat enggau SK Assan Nunggang.
Sekula China iya nya SJK (C) Yong Shing, SJK (C) Boi Ing, SJK (C) Han Kwong, SJK (C) Sam Nam, SJK (C) Kai Dee, SJK (C) Yuk Chai, SJK (C) Yong Cheng, SJK ( C) Chung Ung, SJK ( C) Hing Ung enggau SJK (C) Nang Kiang.
Ba pelilih Kanowit iya nya SJK (C) Hin Hua, SJK (C) Shing Hua, SJK (C) Shing Kok enggau SJK (C) Liang Hua.
Nambahka jaku iya, ku Wong, pekara tu mega tau bendar nejuka bala apai indai mantul nganjung anak sida ngagai sekula mit baka nya.
“Apai indai deka berunding pengelama anak sida belajar dalam kelas ti udah diinsur enda baka sebedau tu.
“Pengujung iya sida enggai agi nganjung anak ngagai sekula nya,” ku iya madah baru.
Iya madah, sekula China balat agi ngasaika ubah nya ti tau ngujungka sekula nya ditutup.
“Piak kami andal amat sida ti bekaul ulih berundingka pekara tu sebedau ngaga nama-nama pemutus,” pia ku iya madah. SIBU: Parti Sa’ati Rayat Sarawak ( SUPP) Dudong bekenaka pemansang teknologi multimedia ngeringka parti sida napi Pengawa Bepilih Besai Ke-14 (PRU14) ti deka datai.
Ketegal nya, Chairman SUPP Dudong Wong Chih Yong madah, ba Komiti Bilik Operasyen ti baru ditumbuhka sida bisi disempulang enggau komiti Cybertroop.
“Komiti tu beguna amat nyadika chara tauka strategi ngerembaika publisiti pampang parti kitai maya PRU14 tu.
“Chara ngena teknologi baka tu endang dikena Barisan Nasional (BN) lalu pia mega sida penyakal laban nyauka semua orang diatu bisi bekenaka telefon binching magang,” pia ku iya maya berandau enggau pengarang berita, kemari.
Iya madah, komiti Cybertroop nya dibagi ngagai empat iti unit iya nya Unit Bumiputera ti betuaika Kunsilor Ladong Engkol, unit kandang mengeri ( Daniel Sng Wei Siong), unit menua pesisir (Kong Sing Ping enggau Kong Fwa Ping) enggau unit Sibu Jaya (Kaunsilor Kong Yii Tee enggau Benjamin Tian).
“Kelimpah ari nya, SUPP Dudong nyadi pampang parti keterubah numbuhka Komiti Bilik Operasyen dikena ngemujur parti kitai napi PRU14 tu,” ku iya madah baru.
Ba komiti tu, pengawa nyadi penyanding penemu dipegai Datuk Dr Soon Choon Teck, Datuk Teng Lung Chi, Wong Chih Yong, Kong Sheau Hon enggau Liu Kian Yut.
Direktor iya nya Wong empu enggau Kelvin Kong Sien Chiu.
Mandal direktor iya nya Kaunsilor Ladong, Ling Hung King, Llew Kwan Hua enggau Kaunsilor Kong Yii Tee.
Kong Sing Ping enggau William Anut nyadi Sekretari lalu disaup Kaunsilor Dr Wong Chya Wei enggau Law Boo Chaw.
Benjamin Tian Chung Huat nyadi Tukang Wang.
Publisiti dipegai Wong Ching Yong, Loh Hui Kiong, Ling Hung King enggau Lau Ing Kung.
Ejen Ngitung enggau Pengundi ( polling agents) Kaunsilor Frederick Taip Ledom enggau Christopher Ugot.