Kurang penyedar sentang hak pengundi entara kebuah sida enda ngerejista diri nyadi pengundi
KUCHING: Kurang penyedar sentang pemesai guna sereta hak nyadi pengundi engka entara kebuah raban nembiak rebak baru ke beumur entara 21 taun ngagai 39 taun enda ngerejista diri nyadi pengundi.
Direktor Komiti Pengawa Bepilih Besai (SPR) Sarawak Datu Takun Sunggah taja pia madahka pansik silik bedau ulih digaga lebih agi ungkup Sarawak.
Taja pia, selalu iya, maya musim pengerami penyampau sida ke ulih ngundi bisi nambah ari selama.
“Pekara tu tusah deka ditentu laban bisi mega sida ngerejister diri maya umur 40 taun.
“Lalu penyampau nya deka betambah ninting taun rambau pengawa bepilih besai,” ku iya lebuh ditanya pasal penyedar ba raban nembiak rebak baru ba nengeri tu ke ngerejister diri nyadi pengundi.
Takun taja pia enda ulih meri penerang silik bekaul enggau demografi pengundi berejister ba Sarawak laban maya dirandau iya benung ba Shah Alam bisi pengawa diatur.
Ditanya pasal Rejister Pemilih Tambah Suku Taun (DPT/ST) ke deka diguna maya Pengawa Bepilih Be- sai ( PRU) Ke- 14 diatur March tu, iya melabaka engka DPT/ST kepenudi taun 2017 iya nya kena 31 Disember 2017deka diambi.
“Taja pia, nyema rejister pemilih tambah ba Sarawak ‘ok’ tang ba Semenanjung Malaysia enda, nyadi nya bedau sah ungkup Sarawak.
“Reti nya pemutus ditentuka SPR indu opis lalu rejister pemilih nya patut digaga ba selampur menua... Taja pia penerang rasmi deka dipansutka SPR indu opis maya udah datai jam iya ila,” ku iya.
Iya madah naka 30 November 2017 urung 1,211,108 pengundi berejista udah digazet ba Sarawak.
Udah nya naka 30 Jun 2017, urung 14,622,881 rayat menua tu udah berejister nyadi pengundi. Taja pia urung 3,797,785 rayat Malaysia ke beumur 21 taun ke atas lalu udah ulih ngundi ditemu bedau ngerejista diri. MIRI: Bah ke nuntung sitak Sungai Seputi Bok, Beluru dtu kenyau ari pagi kemari ngujungka 16 iku nembiak prasekula Sekula Primari (SK) Sungai Seputi enda ulih nurun ke sekula laban jalai ngelawa kelas sida udah ampuh urung tiga setengah kaki penalam.
Pemesai Opis Penyaga Periman Malaysia ( APM) Pelilih Miri Kapten ( PA) Mohd Hazle Shah Abd Hamid madah, asil perati dipejalaika ensanus ai dipeda mansang lalu gaya hari mambam.
“Semina siti endur ke dikeruga iya nya prasekula kena bah penalam tiga setengah kaki.
“Prasekula nya enda ulih dibuka sehari tu (kemari) laban jalai nuju kelas sida ampuh bah lalu apai indai enda ulih nganjung anak sida,” ku iya madah nengah sebengkah peneran ditu, kemari.
Mohd Hazle Shah madah, kepala pengajar sekula nya madah ai bepun niki urung pukul 3 pagi ensanus.
“Sekula nya agi dibuka baka selama laban begunan ke digaga begantung.
“Kelimpah 16 nembiak prasekula, sekula nya mega ngembuan 65 nembiak, 14 pengajar enggau lapan staf pemantu,” ku iya.
Pekara tu tusah deka ditentu laban bisi mega sida ngerejister diri maya umur 40 taun. Datu Takun Sunggah Direktor SPR Sarawak