Tabung Darah HUS ngatur Kimpin Meri Darah pagila

KUCHING: Tabung Darah Hospital Umum Sarawak (HUS) deka ngatur kimpin meri darah bepun pagila, 20 lalu ditampung baru 21 Januari ba dua bengkah palan ke bebida.

Palan keterubah iya nya Kedai Besai Giant, Batu 10 kena 20 Januari bepun pukul 10 pagi nyentuk 3 lemai ditangkan Supermarket, Wisma Wan, Jalai Tabuan Jaya kena 21 Januari nitih jam ke sebaka.

Sida ke deka meri darah diperansang datai ngelawa palan kimpim mua ba hari enggau jam ke udah ditetap.

Berebak enggau nya, kimpin meri darah tu endang atur dikena bejejaga Tabung Darah HUS dikena nentuka bekal chukup rambau ngintu Pengerami Taun Baru Chuna tu ila.

Dipelabaka pengawa nguna darah niki manggai 20 peratus lalu tebal agi sepital dibanding enggau sebedau tu niki laban mayuh orang beputung, tasah sereta bebadi kelimpah ke guna pesakit ti suah begunaka darah baka pesakit talasemia enggau pesakit riman.

Ungkup bala ke nadai ulih limpang ngelawa palan kimpin tu, sida tau datai terus ngagai palan tabung darah ke sesemak lebuh maya opis dibuka..

Ungkup penemu, HUS diatu begunaka darah bansa B,A, O enggau AB dikena nentuka bekal darah se- mampai chukup.

Sukung ari mensia mayuh ke ulih meri darah endang dikelalu amat laban nya beguna amat kelebih agi maya pesakit deka begunaka darah.

Penerang silik bekaul enggau program meri darah tu ulih betelefon nuju

Tabung Darah HUS (082276797 tauka 082-276795), Sepital Sibu (084-343333), Sepital Miri (085-420033) enggau Sepital Bintulu (086-255899).